Oscars 2023 : 'ऑस्कर' पुरस्कार जिंकलेला 'The Elephant Whisperers' कुठे पाहू शकता? जाणून घ्या डॉक्युमेंट्रीबद्दल सर्वकाही...
The Elephant Whisperers : 'द एलिफंट विस्परर्स' या माहितीपटाने ऑस्कर पुरस्कार सोहळ्यात बाजी मारली आहे.
The Elephant Whisperers Oscars 2023 : 'द एलिफंट विस्परर्स' (The Elephant Whisperers) या माहितीपटाने ऑस्कर पुरस्कार सोहळ्यात बाजी मारली आहे. 'ऑस्कर 2023'मध्ये (Oscars 2023) या माहितीपटाने सर्वोत्कृष्ट ड्राक्युमेंट्री शॉर्ट फिल्म (Best Documentary Short Film) या पुरस्कारावर आपलं नाव कोरलं आहे.
'द एलिफंट विस्परर्स' या माहितीपटाने इतिहास घडवला आहे. हत्तींचं संगोपन आणि संवर्धन यावर भाष्य करणाऱ्या या डॉक्युमेंट्रीला ऑस्कर पुरस्कार मिळाला आहे. कार्तिकी गोन्साल्विस या दिग्दर्शिकेची ही पहिलीच डॉक्युमेंट्री आहे.
View this post on Instagram
'द एलिफंट विस्परर्स' कुठे पाहू शकता? Where to Watch Online The Elephant Whisperers
'द एलिफंट विस्परर्स' ही 40 मिनिटांची डॉक्युमेंट्री सिनेप्रेमींना नेटफ्लिक्स (Netflix) या ओटीटी प्लॅटफॉर्मवर पाहता येईल. तामिळनाडूतील एक कुटुंब बेबंद हत्तींना दत्तक घेतं आणि त्यांचं कसं संगोपन करतं यावर बेतलेला हा माहितीपट आहे. गुनीत मोगाने द एलिफंट विस्परर्स (The Elephant Whisperers) या माहितीपटाची निर्मिती केली असून कार्तिकी गोन्साल्विसने या माहितीपटाच्या दिग्दर्शनाची धुरा सांभाळली आहे. कार्तिकी गोन्साल्विसचा दिग्दर्शिका म्हणून हा पहिलाच माहितीपट आहे.
'The Elephant Whisperers' wins the Oscar for Best Documentary Short Film. Congratulations! #Oscars #Oscars95 pic.twitter.com/WeiVWd3yM6
— The Academy (@TheAcademy) March 13, 2023
'द एलिफंट विस्परर्स' या माहितीपटासह 'हॉलआऊट', 'हाऊ डू यू मेजर अ इअर', 'द मार्था मिचेल इफेक्ट', 'स्ट्रेंजर ॲट द गेट' या माहितीपटांनादेखील 'ऑस्कर 2023'मध्ये 'सर्वोत्कृष्ट ड्राक्युमेंट्री शॉर्ट फिल्म' या कॅटेगरीमध्ये नामांकन मिळालं होतं.
ऑस्करच्या शर्यतीतून भारताची 'All That Breathes' बाहेर
ऑस्करच्या शर्यतीतून भारताचा 'ऑल दॅट ब्रीथ्स' (All That Breathes) हा माहितीपट बाहेर पडला आहे. ऑस्कर पुरस्कार 'डॉक्युमेंटरी फीचर फिल्म' या श्रेणीत 'नैवेल्नी'ने (Navalny) ऑस्कर पुरस्कारावर नाव कोरले. या श्रेणीत 'ऑल दॅट ब्रीथ्स'या भारतीय माहितीपटाला नामांकन मिळाले होते. मात्र, या चित्रपटाला पुरस्कार मिळवण्यात अपयश आले आहे.
'द एलिफंट विस्परर्स' (The Elephant Whisperers) या माहितीपटासह एस.एस राजामौली (S. S. Rajamouli) यांच्या आरआरआर (RRR) या चित्रपटातील 'नाटू नाटू' या गाण्यानं (Naatu Naatu) ऑस्कर पुरस्कार पटकावला आहे.
संबंधित बातमी
Oscars 2023 : अभिमानास्पद! भारताच्या 'The Elephant Whisperers'ने पटकावला सर्वोत्कृष्ट डॉक्युमेंट्री शॉर्ट फिल्मचा पुरस्कार
महत्त्वाच्या बातम्या
