The Delhi Files : 'द दिल्ली फाइल्स' सिनेमात नेमकं काय दाखवणार? विवेक अग्निहोत्रींनी केले स्पष्ट

The Delhi Files : 'द दिल्ली फाइल्स' सिनेमावर विवेक अग्निहोत्री यांनी प्रतिक्रिया दिली आहे.

Vivek_Agnihotri

The Delhi Files : विवेक अग्निहोत्री (Vivek Agnihotri) दिग्दर्शित 'द कश्मीर फाईल्स' (The Kashmir Files) या सिनेमाला प्रेक्षकांचा उत्तम प्रतिसाद मिळत आहे. या सिनेमाने बॉक्स ऑफिसवर चांगली कमाई केली. अनेक राज्यांत हा सिनेमा करमुक्त करण्यात आला आहे. लवकरच हा सिनेमा ओटीटीवर प्रदर्शित होणार आहे. अशातच विवेक अग्निहोत्री यांनी 'द दिल्ली फाइल्स' (The Delhi Files) या आगामी सिनेमाची घोषणा केली. दरम्यान विवेक अग्निहोत्री यांनी 'द दिल्ली फाइल्स'वर भाष्य केले आहे. 

'द दिल्ली फाइल्स' सिनेमावर विवेक अग्निहोत्री म्हणाले, 'द दिल्ली फाइल्स' हा सिनेमा सत्य घटनांवर आधारित आहे. या सिनेमात तामिळनाडूचे सत्यदेखील दाखवण्यात आले आहे. हा सिनेमा फक्त दिल्लीवर भाष्य करणारा नसून दिल्ली गेली अनेक वर्षे भारताला कशी उद्ध्वस्त करत आहे ते 'द दिल्ली फाइल्स' या सिनेमात दाखवण्यात येणार आहे.

Chennai | Delhi files will tell you lots of truth about Tamil Nadu also. It's not about Delhi, it just showed how Delhi has been destroying 'Bharat' for so many years...: Film director Vivek Agnihotri pic.twitter.com/ly4xXyuZCP

— ANI (@ANI) April 17, 2022

विवेक अग्निहोत्री यांनी मागे ट्वीट करत लिहिले होते, 'द कश्मीर फाईल्स' या सिनेमाचे कौतुक केल्याबद्दल प्रेक्षकांचे आभार. या सिनेमाच्या माध्यमातून काश्मीरी पंडितांची गोष्ट मांडता आली. आता वेळ आली आहे नव्या सिनेमासाठी काम करण्याची.#TheDelhiFiles"

I thank all the people who owned #TheKashmirFiles. For last 4 yrs we worked very hard with utmost honesty & sincerity. I may have spammed your TL but it’s important to make people aware of the GENOCIDE & injustice done to Kashmiri Hindus.

It’s time for me to work on a new film. pic.twitter.com/ruSdnzRRmP

— Vivek Ranjan Agnihotri (@vivekagnihotri) April 15, 2022

 'द कश्मीर फाईल्स' या सिनेमाला प्रेक्षकांची पसंती मिळाली. या सिनेमाने बॉक्स ऑफिसवर 250 कोटींपेक्षा अधिक कमाई केली आहे. आता प्रेक्षक  'द दिल्ली फाइल्स' सिनेमाची आतुरतेने वाट पाहत आहेत. 

संंबंधित बातम्या