Vikram Vedha: तिसऱ्या दिवशी 'विक्रम वेधा' च्या कमाईत वाढ; बॉक्स ऑफिस कलेक्शन माहितीये?
विक्रम वेधा या चित्रपटाला वीकेंडला प्रेक्षकांचा चांगला प्रतिसाद मिळाला. जाणून घेऊयात या चित्रपटाच्या कलेक्शनबाबत...
Vikram Vedha Box Office Collection: अभिनेता सैफ अली खान (Saif Ali Khan) आणि अभिनेता हृतिक रोशन (Hrithik Roshan) यांच्या विक्रम वेधा (Vikram Vedha) या चित्रपटानं बॉक्स ऑफिसवर धुमाकूळ घातला आहे. हा चित्रपट शुक्रवारी (30 सप्टेंबर) रिलीज झाला. विक्रम वेधा हा 2017 मध्ये रिलीज झालेल्या दाक्षिणात्य चित्रपटाचा रिमेक आहे. हृतिकनं या चित्रपटात वेधा या खतरनाक गुंडाची भूमिका साकारली आहे. तर सैफनं या चित्रपटात विक्रम ही भूमिका साकरली आहे. या चित्रपटाला वीकेंडला प्रेक्षकांचा चांगला प्रतिसाद मिळाला. जाणून घेऊयात या चित्रपटाच्या कलेक्शनबाबत...
50 कोटींच्या क्लबमध्ये विक्रम वेधा होणार सामील?
विक्रम वेधा या चित्रपटानं रिलीज झाल्यानंतर पहिल्या दिवशी 10.58 कोटींची कमाई केली. त्यानंतर दुसऱ्या दिवशी या चित्रपटानं 12.51 कोटींची कमाई केली. तीसऱ्या दिवशी या चित्रपटाच्या कलेक्शनमध्ये वाढ झाली आहे. या चित्रपटानं तिसऱ्या दिवशी 15 कोटींची कमाई केली. आता या चित्रपटाची एकूण कमाई ही 38 कोटी एवढी झाली आहे. लवकरच हा चित्रपट 50 कोटींच्या क्लबमध्ये सामील होईल, असा अंदाज लावला जात आहे.
विक्रम वेधा या चित्रपटात सैफ आणि हृतिक यांच्यासोबतच रोहित सराफ, योगिता बिहानी, शरीब हाश्मी आणि सत्यदीप मिश्रा या कलाकारांनी देखील प्रमुख भूमिका साकारली आहे. 'विक्रम वेधा' या अॅक्शन-थ्रीलरचे लेखन आणि दिग्दर्शन पुष्कर-गायत्री यांनी केलं आहे. 'विक्रम वेधा'ची स्टोरी वेगवेगळ्या नाट्यमय वळणांनी भरलेली असून, एक कठोर पोलीस असलेला विक्रम (सैफ अली खान) खतरनाक गुंड वेधा (हृतिक रोशन) चा पाठलाग करण्यासाठी निघाल्याचं पहायला मिळणार आहे.
View this post on Instagram
वाचा इतर महत्त्वाच्या बातम्या:
महत्त्वाच्या बातम्या
