Vicky Kaushal Katrina Kaif Marriage : विकी-कतरिनाची लगीनघाई? 'हा' सेलिब्रिटी डिझायनर शिवणार लग्नपोशाख

कतरिना आणि विकीचा चाहता वर्ग मोठा आहे.

Vicky_Kaushal_Katrina_Kaif

Vicky Kaushal Katrina Kaif getting married: बॉलिवूड कलाकारांच्या वैयक्तिक आयुष्याबद्दल जाणून घेण्यासाठी त्यांचे चाहते नेहमी उत्सुक असतात. कधी कलाकारांच्या अफेअरच्या तर कधी ब्रेक-अपच्या चर्चा सोशल मीडियावर होत असतात. काही दिवसांपूर्वी अभिनेता  विकी कौशल (vicky kaushal) आणि अभिनेत्री  कतरिना कैफ (Katrina Kaif) हे एकमेकांना डेट करत असल्याची चर्चे सोशल मीडियावर सुरू होती. ऑगस्ट महिन्यामध्ये विकी आणि कतरिना यांचा साखरपुडा झाला आहे, अशा पोस्ट काही नेटकऱ्यांनी सोशल मीडियावर शेअर केल्या होत्या. त्यानंतर आता हे दोघे लवकरच लग्नबंधनात अडकणार आहेत, अशी चर्चा सुरू आहे. 

डिसेंबर महिन्यात होणार विकी आणि कतरिनाचं लग्न? 

एका रिपोर्टमध्ये असे सांगण्यात आले आहे की, विकी आणि कतरिना डिसेंबर महिन्यामध्ये लग्न करणार आहेत. पण त्यांचा हा विवाह सोहळा गुपचूपपणे पार पडणार असल्याचे सांगितले जात आहे. दोघांचे लग्नाचे आउटफिट हे सेलिब्रिटी  डिझायनर सब्यसाची हे डिझाइन करणार आहेत. 
 
18 ऑगस्ट रोजी विकी आणि कतरिनाच्या साखपुडा झाला, अशी चर्चा सोशल मीडियावर सुरू होती. आता त्याच्या लग्नाबद्दल देखील सोशल मीडियावर अनेक जण पोस्ट करत आहेत. पण अजूनही लग्नाबाबत आणि साखरपुड्याबाबत विकीने आणि कतरिनाने कोणतीही अधिकृत घोषणा केली नाही. त्यामुळे त्यांचे चाहते याबाबत जाणून घेण्यासाठी उत्सुक आहेत. एका मुलाखतीमध्ये अभिनेता हर्षवर्धन कपूरने विकी आणि कतरिनाच्या नात्याबद्दल त्याचे मतं मांडले होते. त्याने सांगितले होते, 'विकी आणि कतरिना एकमेकांना डेट करत आहेत. आता हे सांगितल्यावर मला कोणत्या समस्येचा सामना करावा लागेल ते माहित नाही. '

बॉलिवूड अभिनेता विक्की कौशलच्या सरदार उधम हा चित्रपट सध्या चर्चेत आहे.  16 ऑक्टोबर रोजी हा चित्रपट ओटीटी प्लॅटफोर्मवर प्रदर्शित झाला. त्याच्या या चित्रपटाला प्रेक्षकांची पसंती मिळाली आहे.