TOP 5 Entertainment News : दिवसभरातील पाच महत्त्वाच्या मनोरंजनविषयक बातम्या

Entertainment News : दिवसभरातील पाच महत्त्वाच्या मनोरंजनविषयक बातम्यांचा घेतलेला आढावा.

TOP 5 Entertainment News : दिवसभरातील पाच महत्त्वाच्या मनोरंजनविषयक बातम्या -

सलमानच्या 'टायगर-3' चा धमाकेदार टीझर रिलीज

सलमान खान आणि अभिनेत्री कतरिना कैफच्या 'एक था टायगर' आणि 'टायगर जिंदा है' या दोन चित्रपटांना प्रेक्षकांची पसंती मिळाली. या चित्रपटाचा तिसरा भाग म्हणजेच टायगर-3 चा टीझर नुकताच रिलीज झाला आहे. या चित्रपटाचा टीझर शेअर करून सलमाननं चित्रपटाची रिलीज डेट जाहीर केले आहे. टीझरमधील कतरिना आणि सलमानच्या लूकनं अनेकांचे लक्ष वेधले आहे. 

'भीमला नायक' सिनेमाचा ट्रेलर आऊट

साऊथ सुपरस्टार पवन कल्याण स्टारर 'भीमला नायक' या चित्रपटाचा ट्रेलर रिलीज झाला आहे.‘भीमला नायक’ हा चित्रपट लवकरच चित्रपटगृहात प्रदर्शित होणार असून, त्याची तारीख अद्याप ठरलेली नाही. या आधी 25 फेब्रुवारीला 'भीमला नायक' हा चित्रपट तमिळ आणि तेलुगूमध्ये रिलीज झाला होता. या चित्रपटाने पहिल्याच दिवशी 61 कोटींची कमाई केली होती. या चित्रपटात पवन कल्याणसोबत अभिनेता राणा दग्गुबाती देखील महत्त्वपूर्ण भूमिकेत आहे.

'हर हर महादेव!' लवकरच येणार प्रेक्षकांच्या भेटीला

अभिजित शिरीष देशपांडे लिखित-दिग्दर्शित, झी स्टुडिओज आणि गणेश मार्केटिंग फिल्म्स निर्मित 'हर हर महादेव' हा महासिनेमा प्रेक्षकांच्या भेटीस येत आहे. या सिनेमाला एक विशेष आवाज लाभलेला खास टिझर आज प्रेक्षकांच्या भेटीस येत आहे. राज ठाकरेंच्या धीरगंभीर आवाजाने सजलेली 'हर हर महादेव' या चित्रपटाची ही विशेष झलक प्रेक्षकांना बघायला मिळणार आहे. 

नेटफ्लिक्स लाँच करणार ‘डेली क्विझ शो’

नेटफ्लिक्स हा ओटीटी प्लॅटफॉर्म 1 एप्रिलपासून आपला पहिला संवादात्मक दैनिक क्विझ शो ‘ट्रिव्हिया क्वेस्ट’ लाँच करणार आहे. Engadgetच्या माहितीनुसार ‘ट्रिव्हिया क्वेस्ट’ या क्विझ सिरीजमध्ये कला आणि विज्ञान यासारख्या विषयांमधील 24 बहु-निवडक प्रश्न असतील.

अजय देवगणचा किलर लूक प्रेक्षकांना भावला

अजय देवगणची 'रुद्रा' ही वेबसीरिज नुकतीच प्रेक्षकांच्या भेटीला आली आहे. 'रुद्रा' वेबसीरिजमधील अजय देवगणचा किलर लूक प्रेक्षकांना चांगलाच भावला आहे.  4 मार्चला ही वेब सीरिज डिस्ने प्लस हॉटस्टारवर रिलीज झाली आहे. नुकतीच प्रदर्शित झालेली ही वेब सीरिज सध्या ट्रेडिंगमध्ये आहे.  'रूद्रा' ही वेबसीरिज 6 भागांची असून रुद्रवीर सिंहचे पात्र अजय देवगण साकारत आहे. 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha