Vaibhav Mangale On Jhund :  बॉलिवूडचे महानायक अमिताभ बच्चन (Amitabh Bachchan) यांची प्रमुख भूमिका असलेला 'झुंड'  (Jhund) हा चित्रपट आज (4 मार्च) मोठ्या पडद्यावर प्रेक्षकांच्या भेटीला आला आहे. दिग्दर्शक नागराज मंजुळेंचा (Nagraj Manjule) हा पहिलाच हिंदी चित्रपट आहे. अनेक दिग्गजांनी या चित्रपटाचे तोंडभरून कौतुक केले आहे.


अभिनेते वैभव मांगले यांनी देखील पोस्ट लिहित नागराज मंजुळे आणि ‘झुंड’ चित्रपटाचे कौतुक केले आहे. ‘मी कालच एक गोष्ट बोललो... कुणाला पटेल न पटेल... घाई करतोय असं वाटेल.... पण नागराज ऑस्कर आणेल, याची पूर्ण खात्री आहे. कारण ज्या कलेत मातीच सत्व असतं ती मोठी कला. नागराजकडे ते आहे. झुंडसाठी खूप खूप प्रेम आणि शुभेच्छा!!’ अशी पोस्ट वैभव मांगले यांनी लिहिली आहे.


पाहा पोस्ट :


 



नागराज मंजुळे ऑस्कर आणेल याची खात्री आहे, असं म्हणत त्यांनी कौतुक केलं आहे.


‘झुंड’ चित्रपटात अमिताभ बच्चन यांच्यासोबतच ‘सैराट’ फेम आकाश ठोसर आणि रिंकू राजगुरु या कलाकारांनी देखील महत्त्वपूर्ण भूमिका साकारल्या आहेत. ‘झुंड’ हा एक स्पोर्ट्स ड्रामा चित्रपट आहे, ज्यामध्ये अमिताभ बच्चन हे निवृत्त क्रीडा शिक्षक विजय बारसे यांची मुख्य भूमिका साकारताना दिसणार आहेत. विजय बारसे हे रस्त्यावरील मुलांना फुटबॉल खेळण्यासाठी आणि संघ तयार करण्यास प्रोत्साहित करतात. ते स्लम सॉकरचे संस्थापक देखील आहेत. या स्पोर्ट्स ड्रामा चित्रपटाचे दिग्दर्शन नागराज मंजुळे करत आहेत. ‘झुंड’ची निर्मिती भूषण कुमार, कृष्ण कुमार, सविता राज यांनी केली आहे. अजय-अतुल या लोकप्रिय जोडीने संगीताची धुरा सांभाळली आहे. हा चित्रपट 4 मार्च रोजी चित्रपटगृहात प्रदर्शित झाला आहे.


हेही वाचा :



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha