Telly Masala : प्रसिद्ध अभिनेत्यावर लैंगिक अत्याचाराचा गुन्हा दाखल ते सलमान खान बिग बॉस होस्ट करण्यावर प्रश्नचिन्ह; जाणून घ्या मनोरंजनसृष्टीसंबंधित महत्त्वाच्या बातम्या

Telly Masala : सिनेमा आणि मालिका विश्वात अनेक घडामोडी घडत आहेत. जाणून घ्या मनोरंजनसृष्टीसंबंधित बातम्या...

Telly Masala : मनोरंजनसृष्टीत वेगवेगळ्या दर्जाची नाटकं (Drama), मालिका (Serial), चित्रपट (Movies) आणि वेब सीरिज (Web Series) प्रेक्षकांच्या भेटीला येत आहेत. जगभरातील प्रेक्षकांना मराठीसह विविध कलाकृती आवडत आहेत. पण कलाकाराचं वैयक्तिक आयुष्य कसं आहे, मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मनोरंजनसृष्टीसंबंधित बातम्या...

Bigg Boss Marathi 5 : डीपी दादा बी टीमवर नाराज, टीम B सोडण्याच्या विचारात; बिग बॉसच्या घरातील समीकरणं बदलणार

Bigg Boss Marathi Season 5 : बिग बॉस मराठीच्या घरात सध्या सहावा आठवडा सुरु आहे. पहिल्या दिवसापासून आतापर्यंत बिग बॉसच्या घरातील समीकरणं दिवसागणिक पाहायला मिळाली आहेत. सुरुवातीच्या आठवड्यात घरात टीम ए आणि टीम बी पडल्या. टीम एमध्ये नंतर फूटही पडली. आता पुन्हा एकदा बिग बॉसच्या घरातील समीकरणं बदलताना दिसणार आहे. धनंजय पोवार उर्फ डीपी दादा टीम बीवर नाराज असल्याचं दिसत असून तो त्यांच्यापासून फारकत घेण्याच्या तयारीत असल्याचं पाहायला मिळत आहे. तर, अंकिता त्याची समजूत काढताना दिसत आहे.

Salman Khan : सलमान खान यंदा BIGG BOSS होस्ट करणार नाही? 'या' कारणामुळे शोपासून दूर राहण्याची शक्यता

Salman Khan Will Not Host the Bigg Boss 18 Show : छोट्या पडद्यावरील लोकप्रिय रिॲलिटी शो बिग बॉसचा 18 वा सीझन लवकरच सुरु होणार आहे. बिग बॉस ओटीटी सीझन 3 संपल्यापासून प्रेक्षक या शोच्या नवीन सीझनची आतुरतेने वाट पाहत आहेत. सलमान खान बिग बॉस शो होस्ट करताना पाहण्यासाठी प्रेक्षक उत्सुक असतात. दरम्यान, बिग बॉस 18 संदर्भात एक मोठी अपडेट समोर आली आहे. सलमान खान यंदाचा सीझन होस्ट करणार नाही, अशी चर्चा रंगली आहे.

Gautami Patil : "मी बिग बॉसमध्ये जाणार होते, पण..."; सबसे कातिक गौतमी पाटीलनं सांगितलं ऑफर नाकारण्याचं कारण!

Gautami Patil Bigg Boss Offer : छोट्या पडद्यावरील प्रसिद्ध शो बिग बॉस मराठी सध्या प्रेक्षकांचं मनोरंजन करताना दिसत आहे. यंदा बिग बॉस मराठीचा पाचवा सीझन सुरु आहे. बिग बॉसच्या घरातील सर्वच सदस्य एकापेक्षा एक वरचढ ठरताना दिसत आहेत. यंदाचा बिग बॉसचा शो तुफान चर्चेत आहे. प्रेक्षकांचा शोला चांगलाच प्रतिसाद मिळताना दिसत आहे. बिग बॉसचा यंदाचा सीझन सुरु होण्याआधी अनेक सेलिब्रिटींच्या नावाची चर्चा रंगली होती. अनेक सेलिब्रिटींना ऑफर होती, मात्र त्यातील काही सेलिब्रिटींना बिग बॉसची ऑफर नाकारली. नृत्यांगणा गौतमी पाटील हिला बिग बॉस मराठीची ऑफर आली होती, मात्र ही ऑफर तिने नाकारली. यामागचं कारण जाणून घ्या.

Malayalam Industry : अभिनेत्याकडून ड्रग्ज देऊन महिलेवर लैंगिक अत्याचार, 40 वर्षीय महिलेला तीन दिवस खोलीत कोंडून ठेवलं; निविन पॉलीवर बलात्कार प्रकरणी गुन्हा दाखल

Malayalam Film Industry : मल्याळम चित्रपटसृष्टीत एकच खळबळ उडाली आहे. न्यायमूर्ती हेमा समितीच्या अहवालानंतर मॉलिवूडमध्ये लैंगिक छळाची अनेक प्रकरणं समोर आली आहेत. अनेक दिग्गज अभिनेते आणि दिग्दर्शकांवर लैंगिक शोषणाचे आरोप करण्यात आले आहेत. अनेक महिला अभिनेत्रींनी समोर येत इंडस्ट्रीमध्ये होत असलेल्या लैंगिक शोषणाला वाचा फोडली आहे. आता लैंगिक शोषण करणाऱ्यांच्या यादीत आणखी एका अभिनेत्याचं नाव जोडलं गेलं आहे.

Kantara Bappa Avatar : गणेशोत्सवात 'कांतारा' फिवर, पंजुर्ली दैवाच्या रुपात अवतरले बाप्पा; VIDEO एकदा पाहाच

Kantara Ganesh Idol : गणेश चतुर्थी 2024 अवघ्या काही दिवसांवर येऊन ठेपली आहे. गणेशभक्त बाप्पाच्या आमगनाची आतुरतेने वाट पाहत आहेत. गणेशभक्त लाडक्या बाप्पाचे भक्तिभावाने स्वागत करण्यासाठी सज्ज झाले आहेत. मुंबई गणेशोत्सव अत्यंत भव्य पद्धतीने साजरा केला जातो. मुंबईतील रस्त्यांवर विविध मंडळे, आकर्षक देखावे करतात. यावेळी विविध आकार, थीमच्या गणेशमूर्ती पाहायला मिळतात. यंदाही गणेशोत्सावावर कांतारा फिवर पाहायला मिळत आहे.

Amitabh Bachchan : जेव्हा सेटवरच भिडले दोन दिग्गज स्टार्स, अमिताभ बच्चन यांची शत्रुघ्न सिन्हा यांना मारहाण; शशी कपूर यांना करावी लागली मध्यस्थी

Kala Patthar Movie BTS : बॉलिवूडचे सुपरस्टार आणि दिग्गज अभिनेते अमिताभ बच्चन यांची फिल्म इंडस्ट्रीमध्ये एन्ट्री झाल्यावर अनेक स्टार्सची कारकिर्द धोक्यात आली होती. अमिताभ बच्चन यांच्यामुळे अनेक अभिनेत्यांचं स्टारडम कमी झालं होतं. त्याकाळात अमिताभ बच्चन यांना टक्कर देणं इतर अभिनेत्यांसाठी फार कठीण बनलं होतं. अमिताभ बच्चन यांच्यासोबत अनेक अभिनेत्यांनी काम केलं, त्यातीलच एक नाव म्हणजे शत्रुघ्न सिन्हा. अमिताभ बच्चन आणि शत्रुघ्न सिन्हा यांनी अनेक चित्रपटांमध्ये एकत्र काम केलं आहे. पण, एक वेळी अशी होती, जेव्हा अमिताभ यांनी शुत्रघ्न यांना मारहाण केली होती.