तनुश्रीचा राखीवर अब्रूनुकसानीचा दावा, दहा कोटींची मागणी

आता तनुश्री दत्ताने राखी सावंतविरोधात अब्रूनुकसानीचा दावा ठोकला आहे.

By: एबीपी माझा वेब टीम | Updated at : 22 Oct 2018 11:05 AM (IST)

Tanushree Dutta slaps defamation case for ₹ 10 crore against Rakhi Sawant तनुश्रीचा राखीवर अब्रूनुकसानीचा दावा, दहा कोटींची मागणी

मुंबई : अभिनेत्री तनुश्री दत्ताने #MeToo मोहीमेअंतर्गत अभिनेता नाना पाटेकर यांच्यावर गैरवर्तनाचा आरोप केला होता. हे प्रकरण समोर आल्यानंतर अनेक मोठ्या कलाकारांनी तनुश्री दत्ताला पाठिंबा दिला होता. तर दुसरीकडे तिला विरोध करणारेही काही कलाकार होते. त्यापैकी एक राखी सावंतही होती. आता तनुश्री दत्ताने राखी सावंतविरोधात अब्रूनुकसानीचा दावा ठोकला आहे. तनुश्री ड्रग्ज घेऊन तिच्या व्हॅनिटी व्हॅनमध्ये पडली होती. नाना पाटेकर आणि गणेश आचार्य यांच्या सांगण्यावरुन मला तिचं गाणं करावं लागलं होतं. त्यामुळे तनुश्री दत्ताने राखीवर मानहानीचा खटला दाखल केला आहे. सोबतच राखीकडे दहा कोटी रुपयांची मागणी केली आहे. तनुश्रीवर भाष्य करतानाचा राखी सावंतची एक मुलाखत व्हायरल झाली होती. राखी म्हणाली होती की, "तनुने सिनेमातील गाणं अर्धवट सोडलं होतं. यानंतर कोरिओग्राफर गणेश आचार्य यांचा मला कॉल आला. तू सेटवर ये, गाण करायचं आहे, एवढंच गणेशने सांगितलं. मग मी तातडीने सेटवर पोहोचले." या घटनेबद्दल सांगताना राखीने अनेकदा तनुश्रीसाठी अपशब्दांचा वापर केला होता.

View this post on Instagram

Rakhi about Tanushree Dutta & Media . . . #instabolly #bollywood

A post shared by Bollywood Entertainment???? (@lnstabolly) on Sep 29, 2018 at 5:03am PDT

#MeToo चं वादळ अभिनेत्री तनुश्री दत्ता ने नाना पाटेकरांविरोधात आरोप केल्यानंतर #MeToo या चळवळीअंतर्गत देशभरातील विविध क्षेत्रातल्या महिलांनी आपल्यावर झालेले लैंगिक अत्याचार, गैरवर्तन यांच्याविषयी आवाज उठवायला सुरुवात केली आहे. ज्येष्ठ अभिनेते आलोकनाथ यांनी 20 वर्षांपूर्वी बलात्कार केल्याचा गंभीर आरोप 'तारा' मालिकेच्या लेखिका-दिग्दर्शिका विनिता नंदा यांनी केला. कंगना रनौत, सोना मोहापात्रा, हिमानी शिवपुरी, संध्या मृदुल, सिमरन कौर सुरी, पूजा भट्ट, फ्लोरा सैनी, ज्वाला गुट्टा यासारख्या अनेक महिला कलाकारांनीही आपली आपबिती मीडियासमोर सांगितली होती. दिग्गज अभिनेते नाना पाटेकर, संस्कारी बाबूजी अलोकनाथ, साजिद खान, गायक कैलाश खेर, शोमॅन सुभाष घई, दिग्दर्शक विकास बहल, अभिनेता विकी कौशलचे वडील म्हणजेच अॅक्शन दिग्दर्शक श्याम कौशल, नंदिता दासचे वडील आणि चित्रकार जतीन दास, अभिनेते रजत कपूर, अभिनेते पियुष मिश्रा, लेखक चेतन भगत, निर्माता गौरांग दोषी, पार्श्वगायक अभिजीत, ज्येष्ठ पत्रकार विनोद दुआ, कॉमेडिअन गुरसिमरन खंबा, कानन गिल, उत्सव चक्रवर्ती, यशराज फिल्म्सचा क्रिएटिव्ह हेड आशिष पाटील अशा अनेक जणांवर आरोप झाले आहेत. अगदी कॉमेडियन अदिती मित्तलवरही महिला कॉमेडियनने गैरवर्तनाचे आरोप केले. तर अभिनेता साकिब सालेमने आपल्याशी झालेल्या गैरवर्तनाची आठवण सांगितली. शक्ती कपूर, राहुल रॉय , सैफ अली खान यांनीही मीटू चळवळीवर मत व्यक्त केलं. बॉलिवूडमधील लैंगिक शोषणाच्या वाढत्या घटनांना आळा घालण्यासाठी 'सिने अँड टीव्ही आर्टिस्ट असोसिएशन' (सिन्टा) लवकरच लैंगिक शोषणविरोधी समितीची स्थापना करणार असून त्यामध्ये अभिनेत्री रवीना टंडन, रेणुका शहाणे, स्वरा भास्कर यांचा समावेश असेल. #MeToo चं वादळ त्यानंतर नरेंद्र मोदींच्या मंत्रिमंडळातही दाखल झालं. पत्रकार प्रिया रमानी यांनी लैंगिक शोषणाचे आरोप केल्यानंतर भाजपचे ज्येष्ठ नेते आणि राज्यमंत्री एम जे अकबर यांनी राजीनामा दिला. तर बीसीसीआयचे सीईओ राहुल जोहरी यांच्यावरही लैंगिक शोषणाचा आरोप झाला.

Published at : 22 Oct 2018 10:42 AM (IST) Tags: #MeToo defamation case RAKHI SAWANT tanushree dutta

तनुश्रीचा राखीवर अब्रूनुकसानीचा दावा, दहा कोटींची मागणी

आता तनुश्री दत्ताने राखी सावंतविरोधात अब्रूनुकसानीचा दावा ठोकला आहे.

आणखी महत्वाच्या बातम्या

टॉप न्यूज़

बातम्या

Maharashtra

Sports

Marathi News

ABP NEWS GROUP WEBSITES