Quotation Gang Trailer: अंगावर शहारे आणणारा 'कोटेशन गँग'चा ट्रेलर रिलीज; सनी लिओनी, जॅकी श्रॉफ प्रमुख भूमिकेत
Quotation Gang Trailer : कोटेशन गँग या तमिळ चित्रपटाचा ट्रेलर रिलीज झाला आहे. जॅकी श्रॉफ आणि अभिनेत्री सनी लिओन यांच्यासोबतच अभिनेत्री प्रियामणी देखील कोटेशन गँग या चित्रपटात प्रमुख भूमिका साकारणार आहे.
Quotation Gang Trailer : बॉलिवूडमधील प्रसिद्ध अभिनेता जॅकी श्रॉफ (Jackie Shroff) आणि अभिनेत्री सनी लिओन (Sunny Leone) यांच्या कोटेशन गँग (Quotation Gang) या तमिळ चित्रपटाचा ट्रेलर रिलीज झाला आहे. या ट्रेलरने अनेकांचे लक्ष वेधून घेतले आहे. ट्रेलरमध्ये असे अनेक सीन्स आहेत, जे तुम्हाला थक्क करतील. कोटेशन गँगच्या ट्रेलरमधील डायलॉग्सना प्रेक्षकांची पसंती मिळत आहे. कोटेशन गँगचा ट्रेलर पाहिल्यानंतर लक्षात येते की या चित्रपटाचे कथानक गँगवॉरवर आधारित आहे.
ट्रेलरमध्ये सनी लिओनीचा 'एक गँग लीडर ही दूसरे गँग लीडर को मार सकता है' हा डायलॉग ऐकू येतो. तसेच ट्रेलरमध्ये अॅक्शन, ड्रामा आणि सस्पेन्स बघायला मिळतो. तसेच चित्रपटात जॅकी श्रॉफ यांचा हटके अंदाज देखील पाहायला मिळेल. क्राईम-थ्रिलर चित्रपट कोटेशन गँगच्या ट्रेलरला नेटकऱ्यांची पसंती मिळत आहे. या ट्रेलरमध्ये फॅमिली मॅन फेम अभिनेत्री प्रियामणीची झलक देखील बघायला मिळत आहे. हा चित्रपट मुंबई, काश्मीर आणि चेन्नईमध्ये पसरलेल्या वेगवेगळ्या गँग्सच्या कथेवर आधारित आहे.
सनी लिओनीने शेअर केला ट्रेलर
सनी लिओनीने कोटेशन गँग या चित्रपटाचा ट्रेलर सोशल मीडियावर शेअर केला आहे. हा ट्रेलर शेअर करुन तिने कॅप्शनमध्ये लिहिलं, "कोटेशन गँगच्या जगात आपले स्वागत आहे" सनीने शेअर केलेल्या या ट्रेलरला अनेक नेटकऱ्यांनी लाईक्स आणि कमेंट्स केल्या आहेत.
पाहा ट्रेलर
View this post on Instagram
हिंदीमध्ये रिलीज होणार कोटेशन गँग
'कोटेशन गँग'चे दिग्दर्शन विवेक कुमार कन्नन यांनी केले आहे. ते या चित्रपटाचे निर्माते देखील आहेत. हा तमिळबरोबरच हिंदी भाषेत देखील प्रदर्शित होणार आहे. तसेच हा चित्रपट तेलुगू, कन्नड आणि मल्याळम भाषांमध्ये प्रदर्शित करण्याचा निर्णय चित्रपट निर्मात्यांनी घेतला आहे. जॅकी श्रॉफ हे काही महिन्यांपूर्वी 'फोन भूत' या चित्रपटामधून प्रेक्षकांच्या भेटीस आले होते. या चित्रपटात त्यांनी कतरिना कैफ, सिद्धांत चतुर्वेदी आणि ईशान खट्टर यांच्यासोबत काम केले होते. या चित्रपटाला देखील प्रेक्षकांची पसंती मिळाली. जॅकी श्रॉफ आणि सनी लिओनी यांच्या आगामी चित्रपटांची प्रेक्षक उत्सुकतेने वाट बघत असतात.
वाचा इतर महत्वाच्या बातम्या:
Celebs Childhood Pics: फोटोतील ‘या’ क्युट मुलीला ओळखलंत का? गोविंदा आणि सलमानसोबत दिलेत हिट चित्रपट
महत्त्वाच्या बातम्या
