Raju Srivastav Health Update : सुनील पालने व्हिडीओ शेअर करत दिली राजू श्रीवास्तव यांच्या प्रकृतीची माहिती; म्हणाले...

Raju Srivastav : कॉमेडियन राजू श्रीवास्तव यांना बुधवारी अचानक हृदयविकाराचा झटका आल्याने त्यांना रुग्णालयात दाखल करण्यात आले आहे.

Raju Srivastav Health Update

Sunil Pal On Raju Srivastav Health Update : कॉमेडीचा बादशाह राजू श्रीवास्तव (Raju Srivastav) यांना हृदयविकाराचा झटका आल्याने त्यांना दिल्लीतील एम्स रुग्णालयात दाखल करण्यात आले आहे. राजू श्रीवास्तव यांना हृदयविकाराच्या झटक्याची बातमी कळताच चाहते ते लवकर बरे व्हावे यासाठी प्रार्थना करत आहेत. राजूचे खास मित्र आणि विनोदवीर सुनील पालने त्यांच्या प्रकृतीबाबत माहिती दिली आहे. 

राजू श्रीवास्तव यांना अचानक हृदयविकाराचा झटका आला आहे. कॉमेडीविश्वात राजू श्रीवास्तव यांनी एक वेगळं स्थान निर्माण केलं आहे. दरम्यान सुनील पाल यांनी राजू श्रीवात्सव यांच्या प्रकृतीत सुधारणा झाल्याची माहिती दिली आहे. सुनील पाल यांनी सोशल मीडियावर एक व्हिडीओ शेअर करत राजू यांच्या प्रकृतीची माहिती दिली आहे. या व्हिडीओ सुनील म्हणाले आहेत,"राजू श्रीवास्तव यांना हृदयविकाराचा झटका आल्याची बातमी खरी आहे. त्यांना दिल्लीतील एम्स रुग्णालयात दाखल करण्यात आले आहे. आता त्यांची प्रकृती ठीक असून धोका टळला आहे. तुमच्या सर्वांच्या आशीर्वादाने तो लवकर बरा होईल. राजू भाई लवकर परत या".

 

 

 

 

 

View this post on Instagram

 

 

 

 

 

 

 

 

 

 

 

A post shared by Sunil Pal Comedian (@sunilpalcomedian)

व्यायाम करताना आला हृदयविकाराचा झटका

राजू श्रीवास्तव दिल्लीतील एका हॉटेलमध्ये ट्रेडमिलवर व्यायाम करत होते. पण अचानक त्यांची प्रकृती खालावली आणि ते जमिनीवर कोसळले. त्यानंतर लगेचच राजू श्रीवास्तव यांना दिल्लीतील एम्स रुग्णालयात दाखल करण्यात आले. रिपोर्टनुसार आता ते शुद्धीवर आले आहेत. डॉक्टर लवकरच त्यांच्या प्रकृतीची माहिती देतील.

मैंने प्यार किया आणि बाजीगर या चित्रपटांमध्ये राजू श्रीवास्तव यांनी काम केलं. तसेच  'बिग बॉस 3', 'नच बलिए' आणि 'कॉमेडी नाइट्स विद कपिल' या कार्यक्रमामध्ये देखील राजू यांनी सहभाग घेतला होता. राजू यांनी करिअरची सुरुवात स्टेज शोमधून केली. अनेक चित्रपट आणि मालिकांमध्ये राजू यांनी काम केलं. राजू यांच्या कॉमिक टायमिंगला प्रेक्षकांची पसंती मिळते. राजू यांचा चाहता वर्ग मोठा आहे. सोशल मीडियावर देखील राजू अॅक्टिव्ह असतात. 

संबंधित बातम्या