Sonali Phogat Case : ‘सोनालीला गोव्यात आणणं आमच्या प्लॅनचाच भाग’, आरोपी सुधीर सांगवानने दिली कबुली!

Sonali Phogat Case : गोव्यात शूटिंगचा कोणताही प्लॅन नव्हता, त्यांना गोव्यात आणण्याचा हा कट होता, असे त्याने पोलिसांनी सांगितले आहे.

Sonali Phogat

Sonali Phogat Murder Case: भाजप नेत्या आणि टिकटॉक स्टार सोनाली फोगाट (Sonali Phogat) हत्येप्रकरणी पोलिसांनी त्यांचा पीए सुधीर सांगवान (Sonali Phogat PA Sudhir Sangwan) याला ताब्यात घेतले आहे. पोलीस कोठडीत चौकशीदरम्यान, सोनाली फोगाट यांना गुडगावहून गोव्यात आणण्याचा कट आपणच रचल्याची कबुली सुधीर सांगवानने दिल्याची माहिती गोवा पोलिसांच्या सूत्रांनी दिली आहे. गोव्यात शूटिंगचा कोणताही प्लॅन नव्हता, त्यांना गोव्यात आणण्याचा हा कट होता, असे त्याने पोलिसांनी सांगितले आहे. तसेच, सोनालीच्या हत्येचा कट फार पूर्वीपासून रचला गेला होता, याची कबुली देखील त्याने दिली आहे.

दरम्यान, मुख्यमंत्री प्रमोद सावंत यांनी वरिष्ठ पोलीस अधिकाऱ्यांना या प्रकरणी लवकरात लवकर आरोपपत्र दाखल करण्याचे निर्देश दिले आहेत. या संदर्भात बोलताना गोवा पोलिसांनी म्हटले आहे की, या प्रकरणात सर्व संबंधित कागदपत्रे जप्त करण्यात आली आहेत आणि ही कागदपत्रे सुधीर सांगवान याला या खून प्रकरणात दोषी ठरवण्यासाठी पुरेशी आहेत.

ड्रग्जमुळेच बिघडली सोनाली यांची प्रकृती

आतापर्यंत सोनाली फोगाट (Sonali Phogat) यांच्या हत्येप्रकरणात पाच जणांना अटक करण्यात आलेली आहे. सुधीर सांगवान, सूखविंदर सिंह, कर्लीज हॉटेलचा मालक आणि ड्रग पेडलर या चौघांना आतापर्यंत पोलिसांनी अटक केली आहे. पोलिसांनी दिलेल्या माहितीनुसार, कर्लीज हॉटेलच्या बाथरुममध्ये ड्रग्स आढळले होते. सोनाली फोगाट ज्या रूममध्ये होत्या, त्याच रुमच्या बाथरूममध्ये सिन्थेटिक ड्रग्स मिळाले. त्यानंतर पोलिसांनी हॉटेल मालकाला अटक केली. ड्रग्जमुळेच सोनाली यांची प्रकृती बिघडली होती. सोनाली यांना जबरदस्तीने ड्रग्ज देण्यात आले होते. यानंतर त्यांना खासगी वाहनातून रुग्णालयात नेण्यात आले होते. ही खासगी कार हॉटेलमधीलच एका व्यक्तीची होती.

कुटुंबीयांकडून सीबीआय चौकशीची मागणी

सोनाली फोगाट यांची एकूण संपत्ती 100 कोटींची आहे. सोनालीच्या नातेवाईकांचे म्हणणे आहे की, सोनालीचे फार्म हाऊस आणि रिसॉर्ट 6 एकरवर बांधले आहे. सोनाली (Sonali Phogat) यांच्या हत्येनंतर त्यांच्या पीएचा या संपत्तीवर डोळा असल्याचे म्हटले जात आहे. सोनाली फोगाटच्या कुटुंबीयांनी या संपूर्ण प्रकरणाची सीबीआय चौकशी करण्याची मागणी केली आहे. हरियाणाचे गृहमंत्री अनिल विज यांनीही सीबीआय तपासाबाबत पत्र लिहिले आहे. मात्र, गोव्याच्या मुख्यमंत्र्यांनी सध्या सीबीआय तपासास नकार दिला आहे. गरज पडली तर सीबीआयकडे ही केस सोपवण्यात येईल, असे गोव्याचे मुख्यमंत्री प्रमोद सावंत यांनी म्हटले आहे.

इतर महत्त्वाच्या बातम्या: