Sonali Phogat: सोनाली फोगट हत्या प्रकरणी दोन मुख्य आरोपींना 10 दिवसांची न्यायालयीन कोठडी, जाणून घ्या संपूर्ण प्रकरण
Sonali Phogat : भाजप नेत्या सोनाली फोगट हत्या प्रकरणातील दोन मुख्य आरोपींना 10 दिवसांची न्यायालयीन कोठडी सुनावण्यात आली आहे.
Sonali Phogat : भाजप नेत्या आणि बिग बॉस फेम सोनाली फोगट (Sonali Phogat) हत्या प्रकरणातील दोन मुख्य आरोपींना 10 दिवसांची न्यायालयीन कोठडी सुनावण्यात आली आहे. गोव्यातील मापुसा न्यायालयाने आरोपी सुधीर सांगवान (Sudhir Sangwan) आणि सुखविंदर सिंहला (Sukhwinder Singh) 10 दिवसांची न्यायालयीन कोठडी सुनावली आहे. पोलिसांनी दावा केला आहे की, सोनाली फोगट यांचा पीए राहिलेला सुधीर सांगवानने चौकशीत गुन्ह्याची कबुली दिली आहे.
Goa | Accused in the Sonali Phogat murder case, Sudhir Sangwan & Sukhwinder Singh taken to Goa medical college & hospital before being taken to 10-day custody pic.twitter.com/Zyso6fKBtO
— ANI (@ANI) August 27, 2022
याप्रकरणी पोलिसांनी आतापर्यंत चार जणांना अटक केली आहे. यामध्ये सुधीर सांगवान आणि सुखविंदर सिंह, संशयित ड्रग्ज तस्कर दत्त प्रसाद गावकर आणि कर्लीज रेस्टॉरंटचे मालक एडविन न्यून्स यांचा समावेश आहे. पोलिसांनी शुक्रवारी रात्री आरोपी दत्त प्रसाद गावकर आणि आज एडविन न्यून्सला अटक केली.
पोलिसांनी दिलेल्या माहितीनुसार, तपासादरम्यान कर्लीज रेस्टॉरंटच्या टॉयलेटरीमध्ये सिंथेटिक ड्रग आढळून आले. सोनाली फोगटने प्रसाधन सामग्री वापरली. यानंतर रेस्टॉरंटचा मालक एडविन न्यून्स याला पोलिसांनी अटक केली. पोलिसांनी या प्रकरणी नारकोटिक ड्रग्स आणि सायकोट्रॉपिक सब्स्टन्स (एनडीपीएस) अधिनियम, 1985 (NDPS Act 1985) अंतर्गत नवीन एफआयआर नोंदवला आहे. ज्यामध्ये सुधीर सांगवान, सुखविंदर सिंह, दत्त गावकर आणि कर्ली रेस्टॉरंटचे मालक यांनाही आरोपी करण्यात आले आहे.
दरम्यान, सोनालीच्या हत्येची बातमी समोर आल्यानंतर सर्वांनाच धक्का बसला आहे. बिग बॉसच्या काही स्पर्धकांनीही तिला न्याय देण्याची मागणी केली आहे. बिग बॉस 14 चा स्पर्धक, प्रसिद्ध आरजे आणि अभिनेता शार्दुल पंडितनेही (Shardul Pandit) सोनाली फोगटबद्दल एबीपी न्यूजशी संवाद साधला आहे. शार्दुल आणि सोनाली हे बिग बॉसच्या एकाच सीझनचा भाग होते. दोघेही एकाच हंगामात वेगवेगळ्या वेळी घरात होते. पण बिग बॉस 14 च्या ग्रँड फिनालेमध्ये शार्दुलची भेट सोनाली फोगटशी झाली होती.
सोनालीबद्दल बोलताना शार्दुलने सांगितले की, फिनालेच्या वेळी सोनाली फोगट सर्वात आनंदी दिसत होती आणि तिथल्या पार्टीत ती खूप नाचत होती. सोनाली तिथे पूर्ण उत्साहाने एन्जॉय करत होती. शार्दुलने सांगितले की, सोनाली फोगटला त्याच्या रेडिओ शोमध्येही यायचं होतं. पण काही कारणांमुळे ते शक्य झाले नाही. शार्दुलने सांगितले की, गोव्यात सोनालीचे काय झाले, हे मला माहीत नाही. पण आतापर्यंतच्या बातम्या वाचल्या आणि पोलिसांचे म्हणणे ऐकले आहे. असे दिसते की तिच्यासोबत आणि या संबंधात काहीतरी चुकीचे घडले आहे.
संबंधित बातमी:
महत्त्वाच्या बातम्या
