Gautami Patil: शिवेंद्रराजे भोसले यांच्या वाढदिवसानिमित्त गौतमी पाटीलचा खास शो; कार्यक्रमाला प्रेक्षकांची तुफान गर्दी
Gautami Patil : साताऱ्यातील भाजपचे आमदार शिवेंद्रराजे भोसले यांच्या वाढदिवसानिमित्ताने त्यांच्या कार्यकर्त्यांनी नृत्यांगणा गौतमी पाटीलच्या कार्यक्रमाचे आयोजन केले होते.
Gautami Patil: नृत्यांगणा गौतमी पाटील (Gautami Patil) आपल्या नृत्यशैलीने प्रेक्षकांना घायाळ करते. गावागावातील तरुणाई देखील गौतमी पाटीलच्या कार्यक्रमाची उत्सुकतेने वाट बघते. राजकीय मंडळीही आपल्या कार्यक्रमांमध्ये गौतमी पाटीलला निमंत्रित करत असल्याचे दिसत आहे. साताऱ्यातील भाजपचे आमदार शिवेंद्रराजे भोसले (Shivendra Raje Bhosale) यांच्या वाढदिवसानिमित्ताने त्यांच्या कार्यकर्त्यांनी गौतमी पाटीलचा खास कार्यक्रम ठेवला होता. या कार्यक्रमामध्ये गावाच्या पंचक्रोशीतील लहान मुलांपासून ते वृद्धांपर्यंत अनेक लोकांनी हजेरी लावली होती.
सातारा लोकसभा मतदारसंघातील कुडाळ या ठिकाणी गौतमी पाटीलच्या कार्यक्रमाचे आयोजन करण्यात आले होते. या कार्यक्रमाच्या स्टेजवर नारळ फोडून आमदार शिवेंद्रराजेंनी कार्यक्रमाची सुरुवात केली. त्यानंतर गौतमीने नृत्य सादर करण्यास सुरुवात केली. मग काय राडा सुरु झाला. शिवेंद्रराजेंनी काही वेळ कार्यक्रमाचा आनंद घेतला. त्यानंतर ते निघून गेले. पण नंतर कार्यकर्ते चांगलेच तल्लीन झाले. सुमारे अडीच तासात गौतमी पाटीलने कार्यकर्त्यांचे मनोरंजन केले.
गौतमी पाटील असते चर्चेत
महाराष्ट्राला (Maharashtra) वेड लावणाऱ्या गौतमी पाटीलचा (Gautami Patil) कार्यक्रम म्हटला की आजही प्रचंड गर्दीचा माहोल असतो. पण गौतमी पाटील ही अनेक वेगवेगळ्या कारणांमुळे चर्चेत असते. आपल्या नृत्यात अश्लील हावभाव केल्याने गौतमी वादाच्या भोवऱ्यात अडकली होती. गौतमीचे व्हिडीओ देखील सोशल मीडियावर व्हायरल झाले होते. पण त्यानंतर तिच्या लोकप्रियतेत आणखी वाढ झाली. महाराष्ट्रातील वेगवेगळ्या ठिकाणांतून तिला नृत्याच्यासाठी बोलवलं जात आहे. गौतमी ही उत्कर्ष शिंदेसोबत (Utkarsh Shinde) लवकरच एका प्रोजेक्टमध्ये काम करणार आहे. उत्कर्षने गौतमी पाटीलसोबतचे फोटो शेअर केले आहेत. फोटो शेअर करत त्याने लिहिलं आहे की, "अहो शेट लय दिसान झालीया भेट", या माझ्या संगीतबद्ध केलेल्या सुपरहिट लावणीनंतर यावर्षी लवकरच तुम्हा सर्वांसाठी माझं नवं लिखाण, नवं संगीत नव्या गायकेसोबत खूप साऱ्या नवीण लावण्या घेऊन येणार... लवकरच".
सोशल मीडियावर गौतमीची क्रेझ
गौतमी पाटील ही सोशल मीडियावरील प्रसिद्ध चेहरा आहे. आपला डान्स आणि एक्स्प्रेशन्सने गौतमीने तरुणाईला वेड लावलं आहे. 26 वर्षीय गौतमी ही डान्सर आहे. पाटलांचा बैलगाडा, मी करते तुम्हाला मुजरा या गौतमीच्या गाण्यांना प्रेक्षकांची पसंती मिळाली. गौतमीची सोशल मीडियावर क्रेझ आहे. तिला इन्स्टाग्रामवर 702K फॉलोवर्स आहेत.
इतर महत्वाच्या बातम्या:
महत्त्वाच्या बातम्या
