Shivani Surve And Ajinkya Nanaware:मालिकेच्या सेटवर झाली भेट, मैत्रीचं रुपांतर झालं प्रेमात; अशी अजिंक्य आणि शिवानीची लव्ह स्टोरी

नुकतीच शिवानीनं सुलेखा तळवलकर यांच्या युट्यूब चॅनलला मुलाखत दिली आहे. या मुलाखतीमध्ये शिवानीनं अभिनेता अजिंक्य ननावरे(Ajinkya Nanaware) आणि तिच्या लव्ह स्टोरीबद्दल सांगितलं. 

Shivani Surve And Ajinkya Nanaware

Shivani Surve And Ajinkya Nanaware: अभिनेत्री शिवानी सुर्वे (Shivani Surve) ही सध्या तिच्या झिम्मा-2 या चित्रपटामुळे चर्चेत आहे. झिम्मा-2  हा चित्रपट बॉक्स ऑफिसवर धुमाकूळ घालत आहे. या चित्रपटात शिवानीनं मनाली ही भूमिका साकारली आहे. शिवानीनं अनेक मालिका आणि चित्रपटांमध्ये देखील काम केलं आहे. नुकतीच शिवानीनं सुलेखा तळवलकर यांच्या युट्यूब चॅनलला मुलाखत दिली आहे. या मुलाखतीमध्ये शिवानीनं अभिनेता अजिंक्य ननावरे(Ajinkya Nanaware) आणि तिच्या लव्ह स्टोरीबद्दल सांगितलं. 

मालिकेच्या सेटवर झाली भेट

शिवानीनं मुलाखतीमध्ये सांगितलं,  " 2015 मध्ये मी आणि अजिंक्य तू जीवाला गुंतवावे या मालिकेच्या सेटवर भेटलो. तेव्हा मैत्री झाली पण ती मालिका नंतर बंद झाली. मालिका बंद झाल्यानंतर आम्हाला वाटलं की, आमचं नातं थोडं वेगळं आहे. त्यानंतर आम्ही भेटायला लागलो."

अजिंक्यबद्दल शिवानी म्हणाली, "तो खूप शांत आहे.  मी त्याच्या विरुद्ध आहे. तो माझ्यापेक्षा जास्त समजूतदार देखील आहे.  अजूनपर्यंत आम्ही एकमेकांना प्रपोज केलं नाही. पण आम्ही आजही एकत्र आहोत.  2017 मध्ये आम्ही आमच्या नात्याबद्दल आमच्या कुटुंबांना सांगितलं. तेव्हा  दोन्हीही कुटुंबातून विरोध होता.  आमचं अॅट्र्रॅक्शन आहे, असं त्यांना वाटत होतं. आम्ही एकत्र राहू शकतो हा विश्वास आमच्या कुटुंबांना लॉकडाऊननंतर  बसला."

लग्न कधी करणार? असा प्रश्न जेव्हा शिवानीला मुलाखतीमध्ये विचारण्यात आला तेव्हा शिवानी म्हणाली, "खूप लवकर आम्ही लग्न करणार आहोत." शिवानी आणि अजिंक्य हे एकमेकांसोबतचे फोटो आणि व्हिडीओ सोशल मीडियावर शेअर करत असतात. त्यांच्या फोटोवर नेटकरी लाइक्स आणि कमेंट्सचा वर्षाव करतात. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Shivani Surve (@iam_shivanisurve)

शिवानीचे चित्रपट आणि मालिका

शिवानीचा आफ्टर ऑपरेशन लंडन कॅफे हा चित्रपट देखील लवकरच प्रेक्षकांच्या भेटीला येणार आहे. शिवानीनं बिग बॉस मराठी 2 मध्ये स्पर्धक म्हणून भाग घेतला होता. तसेच तिला  देवयानी  या मालिकेमुळे विशेष लोकप्रियता मिळाली. शिवानीचा झिम्मा-2 हा चित्रपट सध्या बॉक्स ऑफिसवर धुमाकूळ घालत आहे. या चित्रपटात शिवानीसोबतच सुहास जोशी, सिद्धार्थ चांदेकर,  निर्मिती सावंत, क्षिती जोग, सुचित्रा बांदेकर,सयाली संजीव रिंकू राजगुरु यांनी काम केलं आहे.

संबंधित बातम्या: