Shah Rukh Khan: 'चिकन 65 ची रेसिपी शिकायची आहे'; शाहरुखच्या ट्वीटनं वेधलं नेटकऱ्याचं लक्ष!

नुकतच शाहरुखनं एक खास ट्वीट शेअर केलं आहे. या ट्वीटमध्ये शाहरुखनं जवान चित्रपटाच्या शूटिंग दरम्यानचे किस्से प्रेक्षकांना सांगितले आहेत. 

Shah Rukh Khan

Shah Rukh Khan: बॉलिवूडमधील प्रसिद्ध अभिनेता  शाहरुख खान (Shah Rukh Khan) हा त्याच्या चित्रपटांमुळे नेहमी चर्चेत असतो. शाहरुखच्या आगामी चित्रपटांची प्रेक्षक उत्सुकतेने वाट बघत आहेत. त्याचा जवान (Jawan) हा चित्रपट लवकरच प्रेक्षरकांच्या भेटीस येणार आहे. जवान चित्रपटाचा पोस्टर आणि टीझर दिवसांपूर्वी प्रेक्षकांच्या भेटीस आला यामधील शाहरुखच्या लूकनं अनेकांचे लक्ष वेधलं आहे. नुकतच शाहरुखनं एक खास ट्वीट शेअर केलं आहे. या ट्वीटमध्ये शाहरुखनं जवान चित्रपटाच्या शूटिंग दरम्यानचे किस्से प्रेक्षकांना सांगितले आहेत. 

शाहरुखचं ट्वीट

'टीम RCE बरोबर काम करुन मजा आली. थलायवर यांनी आमच्या चित्रपटाच्या सेटला भेट दिली. नयनतारासोबत चित्रपट पाहिला. अनिरुद्ध रविचंदर यांच्यासोबत पार्टी केली. विजयसेतूपती आणि थलापती यांच्यासोबत चर्चा केली. विजयनं मला चविष्ट पदार्थ खायला दिले. atlee आणि प्रिया यांचे आभार, आता मला चिकन  65 ची रेसिपी शिकायची आहे.' असं ट्वीट शाहरुखनं शेअर केलं. या ट्वीटमध्ये शाहरुखनं चिकन  65 ची रेसिपी शिकण्याची इच्छा का व्यक्त केली? असा प्रश्न आता नेटकऱ्यांना पडला आहे. त्याच्या या ट्वीटनं अनेकांचे लक्ष वेधलं आहे. 

Wot a 30 days blast RCE team! Thalaivar blessed our sets…saw movie with Nayanthara partied with @anirudhofficial deep discussions with @VijaySethuOffl & Thalapathy @actorvijay fed me delicious food.Thx @Atlee_dir & Priya for ur hospitality now need to learn Chicken 65 recipe!

— Shah Rukh Khan (@iamsrk) October 7, 2022

शाहरुखच्या जवान या चित्रपटामध्ये  नयनतारा,  विजय सेतुपती प्रियामणी, सान्या मल्होत्रा, सुनील ग्रोवर हे कलाकार देखील प्रमुख भूमिका साकारणार आहेत. 

शाहरुखचे आगामी चित्रपट 

शाहरुख खान काही दिवसांपूर्वी अयान मुखर्जीच्या ब्रह्मास्त्र या चित्रपटामधून प्रेक्षकांच्या भेटीस आला. त्याचा  जवान हा चित्रपट  2 जून   2023 रोजी  प्रदर्शित होणार आहे. तर त्याचा पठाण हा चित्रपट 25 जानेवारी 2023 रोजी  आणि डंकी हा चित्रपट 22 डिसेंबर 2023 रोजी प्रेक्षकांच्या भेटीस येणार आहे. पठाण चित्रपटात शाहरुखसोबत दीपिका पदुकोण आणि जॉन अब्राहम हे देखील प्रमुख भूमिका साकारणार आहेत. 

वाचा इतर महत्त्वाच्या बातम्या: