Shah Rukh Khan : बॉलिवूड स्टार शाहरुख आणि आर्यन खानचे जबाब नोंदवण्याची शक्यता; वानखेडेंनी कथित खंडणी मागितल्याप्रकरणी CBI जबाब नोंदवणार

Shah Rukh Khan Aaryan Khan : बॉलिवूड अभिनेता शाहरुख खान आणि आर्यन खानचे जबाब नोंदवण्याची शक्यता आहे.

Shah Rukh Khan Aryan Khan

Shah Rukh Khan Aaryan Khan : एनसीबीचे (NCB) माजी झोनल डायरेक्टर समीर वानखेडे (Sameer Wankhede) यांनी कथित खंडणी मागितल्याप्रकरणी सीबीआय बॉलिवूड स्टार शाहरुख खान (Shah Rukh Khan) आणि त्याचा मुलगा आर्यन खान (Aryan Khan) यांचे जबाब नोंदवण्याची शक्यता आहे. 

नेमकं प्रकरण काय? 

समीर वानखेडे यांनी खासगी व्यक्तीमार्फत रोख रकमेची मागणी केल्याचा आरोप करण्यात आला. आर्यन खानला अटक झाल्यानंतर 25 कोटींची मागणी करून 50 लाख रुपये घेतल्याचा आरोप वानखेडे यांच्यावर आहे. आता समीर वानखेडे यांनी कथित खंडणी मागितल्याप्रकरणी सीबीआय बॉलिवूड स्टार शाहरुख खान आणि त्याचा मुलगा आर्यन खान यांचे जबाब नोंदवणार आहे. 

सीबीआयच्या सूत्रांनी सांगितले की, त्यांनी या प्रकरणातील बहुतेक लोकांचे जबाब नोंदवले आहेत आणि खान पिता पुत्राचे जबाब नोंदवल्यास खंडणी आरोपांची अधिक स्पष्टता आणि स्पष्ट चित्रे दिसून येतील. सूत्रांनी दिलेल्या माहितीनुसार, शाहरुख खान आणि आर्यन खान यांना जबाबासाठी कधी बोलावले जाईल हे अद्याप स्पष्ट झालेलं नाही. पण सीबीआय त्यांना जबाबासाठी बोलवू शकते, हे सूत्रांनी सांगितले आहे. 

समीर वानखेडे यांच्या विरोधात सीबीआयने अनेक आरोप केले आहेत. ड्रग्ज प्रकरणातून आर्यनची सुटका व्हावी यासाठी वानखेडे यांनी शाहरुख खानकडे 25 कोटी रुपये मागितले होते. पण शेवटी 18 कोटी रुपयांत ही डील पक्की झाली होती, असे सीबीआयने त्यांच्या एफआयआरमध्ये म्हटलं होतं. तसेच वानखेडेंच्या वतीने किरण गोसावीने 50 लाख रुपयांचं आगाऊ पेमेंटही घेतलं असल्याचा आरोप सीबीआयने केला आहे. 

आर्यन खान प्रकरण काय आहे? (What Is Aryan Khan Cruise Drugs Case)

एनसीबीनं 2 ऑक्टोबर 2021 रोजी आंतरराष्ट्रीय क्रूझ टर्मिनसवर मुंबईहून गोव्याला जाणाऱ्या कार्डेलिया क्रूझवर छापा टाकला होता. यावेळी पाच ग्रॅम मेफ्रेडॉन, 13 ग्रॅम कोकेन, 21 ग्रॅम चरस, एमडीएमएच्या 22 गोळ्या आणि एक लाख 33 हजारांची रोकड जप्त केली होती. यावेळी एनसीबीनं या क्रूझवरून आर्यन खानसह आठ जणांना चौकशीसाठी ताब्यात घेतलं होतं.

एनसीबीनं याप्रकरणी आर्यन खानसह अन्य आरोपींविरोधात अंमली पदार्थ प्रतिबंधक कायद्यानुसार गुन्हा दाखल करत त्यांना अटक केली होती. त्यानंतर याप्रकरणी आर्यन खानची निर्दोष सुटका झाली. दरम्यान समीर वानखेडे यांच्या तपास प्रक्रियेवर अनेक प्रश्नचिन्ह उपस्थित करण्यात आले. भ्रष्टाचारासह त्यांच्यावर अनेक आरोप करण्यात आले. 

संबंधित बातम्या