Salman Khan : मोकळे केस, काळा गॉगल अन् बाईक, लेह-लडाखमध्ये दिसला सलमान खानचा स्वॅगर लूक!

Salman Khan : बॉलिवूडचा ‘दबंग’ अर्थात अभिनेता सलमान खान (Salman Khan) नेहमीच चर्चेत असतो. मात्र, आता तो त्याच्या हटके स्वॅगर लूकमुळे चर्चेत आला आहे.

Salman Khan

Salman Khan : बॉलिवूडचा ‘दबंग’ अर्थात अभिनेता सलमान खान (Salman Khan) नेहमीच चर्चेत असतो. मात्र, आता तो त्याच्या हटके स्वॅगर लूकमुळे चर्चेत आला आहे. नुकताच सलमान खानने त्याच्या सोशल मीडियावर एक फोटो शेअर केला आहे, त्याचा हा फोटो बघून चाहते मात्र उत्साहित झाले आहेत. सलमान खानने इंस्टाग्रामवरील नव्या पोस्टमध्ये आपला नवा लूक दाखवला आहे. यात त्याचे लांब केस दिसत आहेत. फोटोमध्ये सलमान हिरव्या रंगाचा शर्ट, काळी पँट, शूज आणि काळा गॉगल परिधान केलेला दिसत आहे. भाईजानचा फोटो सोशल मीडियावर व्हायरल होत आहे.

‘भाईजान’ म्हणजेच सलमान खान सध्या त्याच्या प्रोफेशनल लाईफमुळे चर्चेत आहे. अभिनेता सध्या त्याच्या 'टायगर 3' (Tiger 3) आणि 'भाईजान' (Bhaijaan) या चित्रपटांच्या शूटिंगमध्ये व्यस्त आहे. अलीकडेच त्याचा 'टायगर 3' हा चित्रपट ट्रोलर्सच्या निशाण्यावर आला होता. मात्र, आता तो त्याच्या आगामी 'भाईजान' चित्रपटामुळे चर्चेत आला आहे.

पाहा फोटो :

सलमान खानचा स्वॅगर लूक!

सलमानच्या या आगामी चित्रपटांच्या सेटवरून त्याचे फोटो अनेकदा लीक होतात. पण, आता स्वतः सलमान खानने त्याच्या 'भाईजान' चित्रपटाच्या शूटिंग सेटवरील एक फोटो सोशल मीडियावर शेअर केला आहे, ज्यामध्ये त्याचा नवा लूक दिसत आहे. सलमान खानचा हा फोटो सोशल मीडियावर मोठ्या प्रमाणात व्हायरल होत आहे. या फोटोमध्ये सलमान खान लेह-लडाखमध्ये पोज देताना दिसत आहे. फोटोमध्ये सलमान खानचा स्वॅगही दिसत आहे. लांब मोकळे केस, गॉगल आणि बॅक पोज देणारा सलमान सुपर स्टायलिश दिसतो आहे. फोटोत त्याच्या जवळ एक क्रूझर बाईकही उभी असलेली दिसत आहे. फोटो शेअर करत सलमान खानने कॅप्शनमध्ये 'लेह लडाख’ असे लिहिले आहे.

सलमानचे आगामी चित्रपट

सलमानच्या 'भाईजान'मध्ये अभिनेत्री पूजा हेगडे आणि अभिनेता व्यंकटेश दग्गुबती यांच्याही मुख्य भूमिका आहेत. याशिवाय सलमानच्या हातात अनेक चित्रपट आहेत. फरहाद सामजी दिग्दर्शित आणि साजिद नाडियादवाला निर्मित ‘भाईजान’ हा चित्रपट 30 डिसेंबरला प्रदर्शित होणार आहे. 'भाईजान' गाण्याच्या शूटिंगसाठी सलमान अभिनेत्री पूजासोबत लडाखमध्ये आहे.

यशराज फिल्म्सचा अॅक्शन थ्रिलर 'टायगर 3'मध्ये सलमान कतरिना कैफ आणि इमरान हाश्मीसोबत दिसणार आहे. तर, 25 जानेवारी 2023 रोजी रिलीज होणाऱ्या शाहरुख खानच्या 'पठाण' या अॅक्शन चित्रपटात सलमान एक कॅमिओ करताना दिसणार आहे.

 वाचा इतर बातम्या