Singham Again: जाळ अन् धूर संगटच; रोहित शेट्टीनं शेअर केले 'सिंघम अगेन' च्या शूटिंगदरम्यानचे फोटो
नुकतेच रोहितनं सिंघम अगेन (Singham Again) या चित्रपटाच्या शूटिंगदरम्यानचे काही फोटो सोशल मीडियावर शेअर केले आहेत. या फोटोंनी अनेकांचे लक्ष वेधले आहे.
Singham Again: बॉलिवूडमधील प्रसिद्ध दिग्दर्शक रोहित शेट्टीच्या (Rohit Shetty) 'सिंघम अगेन' (Singham Again) या आगामी चित्रपटाची चाहते आतुरतेने वाट पाहत आहेत.काही दिवसांपूर्वी या चित्रपटातील दीपिका पदुकोणच्या (Deepika Padukone) लूकचा फोटो रोहितनं सोशल मीडियावर शेअर केला होता. दीपिका ही या चित्रपटात शक्ती शेट्टी ही भूमिका साकारत आहे. तर अभिनेता टायगर श्रॉफ (Tiger Shroff) हा या चित्रपटात एसीपी सत्या ही भूमिका साकारत आहे. आता नुकतेच रोहितनं सिंघम अगेन या चित्रपटाच्या शूटिंगदरम्यानचे काही फोटो सोशल मीडियावर शेअर केले आहेत. या फोटोंनी अनेकांचे लक्ष वेधले आहे.
रोहित शेअर केलेल्या फोटोमध्ये काही गाड्या दिसत आहेत. या गाड्यांना आग लागलेली दिसत आहे. रोहित शेट्टीच्या प्रत्येक चित्रपटामध्ये गाड्यांना विशेष महत्व असते. आता सिंघम अगेन या चित्रपटात देखील विविध गाड्या दिसणार आहेत. रोहितनं सिंघम अगेन या चित्रपटाच्या शूटिंगदरम्यानचे फोटो शेअर करुन कॅप्शनमध्ये लिहिलं, "WORK IN PROGRESS 'सिंघम अगेन " नेटकऱ्यांनी रोहितनं शेअर केलेल्या या फोटोवर लाइक्स आणि कमेंट्सचा वर्षाव केला आहे.
नेटकऱ्यांच्या कमेंट्स
हितनं शेअर केलेल्या या फोटोला एका नेटकऱ्यानं कमेंट केली, '2024 चा सर्वात मोठा ब्लॉकबस्टर चित्रपट' तर दुसऱ्या युझरनं कमेंट केली, "खरंच, चित्रपट बघताना खूप मजा येणार आहे."
View this post on Instagram
'सिंघम अगेन' ची स्टार कास्ट
सिंघम अगेन हा चित्रपट 15 ऑगस्ट 2024 रोजी रिलीज होणार आहे. रोहित शेट्टी दिग्दर्शित या चित्रपटात अक्षय कुमार, अजय देवगण आणि रणवीर सिंह यांच्याशिवाय टायगर श्रॉफ आणि दीपिका पदुकोण देखील दिसणार आहेत. या चित्रपटाची प्रेक्षक उत्सुकतेने वाट बघत आहेत. 'सिंघम' फ्रेंचाइजीचा हा तिसरा सिनेमा आहे. 2011 मध्ये सिंघम चित्रपट प्रेक्षकांच्या भेटीस आला होता. त्यानंतर 2014 मध्ये सिंघम रिटर्न्स हा चित्रपट रिलीज झाला होता.
View this post on Instagram
संबंधित बातम्या:
महत्त्वाच्या बातम्या
ट्रेंडिंग न्यूज
