Mega BlockBuster : सौरव गांगुली आणि रोहित शर्मा करणार अभिनय क्षेत्रात पदार्पण; 'मेगा ब्लॉकबस्टर' मधील फर्स्ट लूक रिलीज
अभिनेत्री रश्मिका मंदाना (Rashmika Mandanna) आणि अभिनेता कपिल शर्मा (Kapil Sharma) हे देखील मेगा ब्लॉकबस्टरमध्ये महत्त्वाची भूमिका साकारणार आहेत.
Mega BlockBuster : मेगा ब्लॉकबस्टर (Mega BlockBuster) या नव्या प्रोजेक्टची प्रेक्षक उत्सुकतेने वाट बघत आहेत. या प्रोजेक्टमधील कलाकारांचा फर्स्ट लूक रिलीज झाला आहे. यामध्ये क्रिकेटर रोहित शर्मा (Rohit Sharma) आणि सौरव गांगुली (Sourav Ganguly) हे प्रमुख भूमिका साकारणार आहेत. तसेच दाक्षिणात्य चित्रपटसृष्टीतील प्रसिद्ध अभिनेत्री रश्मिका मंदाना (Rashmika Mandanna) आणि अभिनेता कपिल शर्मा (Kapil Sharma) हे देखील मेगा ब्लॉकबस्टरमध्ये महत्त्वाची भूमिका साकारणार आहेत. या सर्व कलाकरांनी या मेगा ब्लॉकबस्टरमधील त्यांच्या लूकचा फोटो सोशल मीडियावर शेअर केला आहे.
रोहित शर्मानं शेअर केला लूक
रोहित शर्मानं त्याचा मेगा ब्लॉकबस्टरमधील लूक शेअर करुन कॅप्शनमध्ये लिहिलं, 'मी खूप एक्सायटेड आहे.' रोहितच्या या पोस्टला क्रिकेटर सूर्यकुमार यादवनं कमेंट करुन लिहिलं, 'ये किस लाईन मै आ गये आप?' रोहितच्या आनेक चाहत्यांना त्याच्या पोस्टला कमेंट करुन त्याला शुभेच्छा दिल्या आहेत.
View this post on Instagram
सौरव गांगुली यांची पोस्ट
'शूटिंग करताना मजा आली! मेगा ब्लॉकबस्टर लवकरच रिलीज होत आहे! ' असं कॅप्शन देऊन सौरव गांगुली यांनी मेगा ब्लॉकबस्टर या चित्रपटामधील लूकचा फोटो शेअर केला आहे. सौरव गांगुली यांच्या या पोस्टवर नेटकऱ्यांनी लाइक्स आणि कमेंट्सचा वर्षाव केला आहे.
View this post on Instagram
4 सप्टेंबर रोजा मेगा ब्लॉकबस्टरचा ट्रेलर रिलीज होणार आहे. हा चित्रपट असणार आहे की वेब सीरिज हे अजून घोषित करण्यात आलेलं नाही. मेगा ब्लॉकबस्टरमध्ये रश्मिका मंदना आणि कपिल शर्मा हे प्रमुख भूमिका साकारणार आहेत. 'हे माझ्या चाहत्यांसाठी, तुम्हा नक्की आवडेल' असं कॅप्शन देऊन कपिलनं त्याचा मेगा ब्लॉकबस्टरमधील लूक शेअर केला.
वाचा इतर महत्त्वाच्या बातम्या:
महत्त्वाच्या बातम्या
