Deepika Padukone Ranveer Singh : "दीपिका पादुकोणला आमची केमिस्ट्री आवडत नाही"; रणवीर सिंहने व्यक्त केली खंत

Deepika Padukone Ranveer Singh : रणवीर सिंहने एका मुलाखतीत खुलासा केला आहे की, दीपिका पादुकोणला रणवीरसोबतची तिची केमिस्ट्री आवडत नाही.

Deepika Padukone Ranveer Singh

Ranveer Singh on Deepika Padukone : रणवीर सिंह (Ranveer Singh) आणि दीपिका पादुकोण (Deepika Padukone) बॉलिवूडचं पावर कपल आहे. रिअल लाईफमध्ये या जोडप्याने 'राम-लीला','बाजीराव मस्तानी' आणि 'पद्मावत'सारखे अनेक हिट चित्रपट दिले आहेत. रणवीर सिंह आणि दीपिका पादुकोण यांची ऑन-स्क्रीन जोडी प्रेक्षकांच्या पसंतीस उतरली. त्यांच्या चित्रपटांना प्रेक्षकांचा सकारात्मक प्रतिसाद मिळाला आहे. रणवीर आणि दीपिकाने काही महिन्यांपूर्वी चाहत्यांसोबत गुड न्यूज शेअर केली आहे. सप्टेंबर महिन्यात त्यांच्या घरी छोट्या पाहुण्याचं आगमन होणार आहे. अशातच आता रणवीरने एका मुलाखतीत खुलासा केला आहे की,"दीपिकाला त्याच्यासोबतची केमिस्ट्री पसंत नव्हती".

दीपिकाला रणवीरसोबतची केमिस्ट्री पसंत नाही...

फिल्मफेअरला दिलेल्या मुलाखतीत 2015 मध्ये रणवीर म्हणाला होता,"दीपिका पादुकोणचा बॉलिवूडमध्ये चांगलाच बोलबाला आहे. बाजीराव मस्तानीमध्ये मला दीपिकासोबत काम करण्याचं सौभाग्य मिळालं. या चित्रपटात आमचे इंटेंस रोमँटिक सीन आहेत. पण दीपिका असा विचार करत नाही. मला वाटतं की, आमची केमिस्ट्री खूपच चांगली आहे. दीपिकाला वाटतं की मी अनुष्का शर्मासोबत जास्त चांगला वाटतो. तर मी रणबीर कपूरसोबत जास्त चांगली वाटते". 

दिग्दर्शक इम्तियाज अली यांनी 'तमाशा'मध्ये दीपिका आणि रणवीरसोबत काम केलं होतं. त्यांनी काही दिवसांपूर्वी न्यूज 18 ला दिलेल्या मुलाखतीत रणवीर-दीपिकाबद्दल भाष्य केलं. या मुलाखतीत इम्तियाज अली यांनी तमाशातील भावनिक क्लायमॅक्सवर चर्चा केली. 

दीपिका आणि रणबीरच्या अफेअरची रंगलेली चर्चा

इम्तियाज अली पुढे म्हणालेले,"रणबीर कपूर आणि दीपिका पादुकोण रिलेशनमध्ये असल्याचं लोकांना वाटायचं. पण खरंतर कलाकार एकमेकांच्या कामावर प्रेम करत असतात. ही अत्यंत महत्त्वपूर्ण गोष्ट आहे. दीपिका आणि रणबीरला एकत्र काम करायला आवडतं. त्यामुळे त्यांच्या अफेअरची चर्चा रंगली होती". 

रणवीर सिंह आणि दीपिका पादुकोण सध्या चर्चेत आहेत. दोघे लवकरच आई-बाबा होणार आहेत. दीपिकाचा फायटर हा चित्रपट काही दिवसांपूर्वी प्रदर्शित झाला होता. या चित्रपटाला प्रेक्षकांचा चांगला प्रतिसाद मिळाला नाही. आता दीपिकाचा 'कल्कि 2898 एडी' हा चित्रपट लवकरच प्रेक्षकांच्या भेटीला येणार आहे. या चित्रपटात दीपिका पादुकोणसोबत प्रभास आणि अमिताभ बच्चन मुख्य भूमिकेत झळकणार आहे. दुसरीकडे रणवीरचा रॉकी और रानी की प्रेम कहानी हा चित्रपट काही दिवसांपूर्वी प्रेक्षकांच्या भेटीला आला होता. 

संबंधित बातम्या