Raju Srivastava health Update : प्रकृतीत थोडी सुधारणा, पण अजूनही ते व्हेंटिलेटरवर; जाणून घ्या राजू श्रीवास्तव यांची हेल्थ अपडेट
नुकतीच एएनआयच्या ट्विटर अकाऊंटवरुन एक ट्वीट शेअर करण्यात आलं आहे. या ट्वीटमध्ये राजू श्रीवास्तव यांच्या प्रकृतीबाबत माहिती देण्यात आली आहे.
Raju Srivastava health Update : कॉमेडियन राजू श्रीवास्तव (Raju Srivastava) यांची प्रकृती अधिकच बिघडत चालल्याची माहिती समोर येत आहे. 10 ऑगस्ट रोजी सकाळी व्यायाम करत असताना ते ट्रेड मिलवर पडले. यावेळी त्यांना तत्काळ एम्समध्ये दाखल करण्यात आले होते. आता त्यांची प्रकृती बिघडत असल्यानं त्यांचे चाहते प्रार्थना करत आहेत. नुकतीच एएनआयच्या ट्विटर अकाऊंटवरुन एक ट्वीट शेअर करण्यात आलं आहे. या ट्वीटमध्ये राजू श्रीवास्तव यांच्या प्रकृतीबाबत माहिती देण्यात आली आहे.
एएनआयचं ट्वीट
एएनआयनं राजू श्रीवास्तव यांच्या प्रकृतीबाबत माहिती दिली आहे. राजू श्रीवास्तव यांच्या प्रकृतीत थोडी सुधारणा झाली आहे. पण अजूनही ते व्हेंटिलेटरवर असून ऑब्जर्वेशनमध्ये आहेत, एएनआयकडून शेअर करण्यात आलेल्या ट्वीटमध्ये असं लिहिण्यात आलंय.
Delhi | Comedian Raju Srivastava has shown minor improvement, he is still on the ventilator and under observation: Sources
— ANI (@ANI) September 2, 2022
(File Pic) pic.twitter.com/smpvHmlCpK
मैने प्यार किया आणि बाजीगर या चित्रपटांमध्ये राजू श्रीवास्तव यांनी काम केलं. तसेच 'बिग बॉस 3', 'नच बलिए' आणि 'कॉमेडी नाइट्स विद कपिल' या कार्यक्रमामध्ये देखील राजू यांनी सहभाग घेतला होता. राजू यांनी करिअरची सुरुवात स्टेज शोमधून केली. अनेक चित्रपट आणि मालिकांमध्ये राजू यांनी काम केलं. राजू यांच्या कॉमिक टायमिंगला आणि विनोदांना प्रेक्षकांची पसंती मिळते. राजू यांचा चाहता वर्ग मोठा आहे. सोशल मीडियावर देखील राजू अॅक्टिव्ह असतात.
राजू श्रीवास्तव यांच्या प्रकृतीबाबत अफवा पसरवणाऱ्यांवर भडकले होते दीपू श्रीवास्तव
राजू श्रीवास्तव यांच्या प्रकृतीबाबत अफवा पसरवणाऱ्यांवर आता राजू यांचे भाऊ म्हणजेच दीपू श्रीवास्तव हे भडकले होते. च एक व्हिडीओ शेअर करुन दीपू यांनी राजू श्रीवास्तव यांच्या प्रकृतीबाबत माहिती दिली होती. 'काही निर्लज्ज लोक आमच्यासोबत न बोलता आणि कोणतीही माहिती न घेता सोशल मीडियावर अफवा पसरवत आहेत. देशातील बेस्ट डॉक्टर्स सध्या राजू श्रीवास्तव यांच्यावर उपचार करत आहेत. लवकरच ते पुन्हा लोकांचे मनोरंजन करायला सज्ज होतील.' असं दीपू श्रीवस्तव यांनी व्हिडीओ शेअर करुन सांगितलं होतं.
वाचा इतर महत्त्वाच्या बातम्या:
महत्त्वाच्या बातम्या
ट्रेंडिंग न्यूज
