एक्स्प्लोर

Raju Srivastava Health: तब्बल 15 दिवसांनंतर राजू श्रीवास्तव शुद्धीवर, कॉमेडियनच्या सेक्रेटरीने दिली हेल्थ अपडेट

Raju Srivastava Health: कॉमेडियन राजू श्रीवास्तव यांना तब्बल 15 दिवसांनी आज (25 ऑगस्ट) शुद्ध आली आहे.

By : एबीपी माझा वेब टीम | Edited By: हर्षदा भिरवंडेकर | Updated at : 25 Aug 2022 12:31 PM (IST)

Raju Srivastava Health

Raju Srivastava Health: कॉमेडियन राजू श्रीवास्तव (Raju Srivastava) यांना तब्बल 15 दिवसांनी आज (25 ऑगस्ट) शुद्ध आली आहे. त्यांच्यावर दिल्लीतील एम्स रुग्णालयात डॉक्टर उपचार करत आहेत. त्यांची प्रकृती सुधारत असल्याचे त्यांचे सेक्रेटरी गर्वित नारंग यांनी माहिती देताना सांगितले आहे. जिममध्ये वर्कआऊट करत असताना छातीत दुखू लागल्याने आणि बेशुद्ध झाल्याने 10 ऑगस्ट रोजी त्यांना रुग्णालयात दाखल करण्यात आले होते. मात्र, आता त्यांच्या प्रकृतीत सुधारणा होत असल्याची माहिती मिळताच त्यांच्या चाहत्यांमध्ये उत्साहाचे वातावरण निर्माण झाले आहे.

राजू श्रीवास्तव यांच्या प्रकृतीची माहिती त्यांचे सेक्रेटरी गर्वित नारंग यांनी माध्यमांना दिली आहे. त्यांच्या प्रकृतीत सुधार होता असून, आता त्यांना शुद्ध आल्याचे त्यांनी म्हटले आहे. गेले 15 दिवस राजू श्रीवास्तव यांना व्हेंटिलेटरवर ठेवण्यात आले होते.

पाहा नवी अपडेट (Raju Srivastava Health) :

राजू श्रीवास्तव (Raju Srivastava) 10 ऑगस्टपासून सतत लाईफ सपोर्ट सिस्टीमवर म्हणजेच व्हेंटिलेटरवर आहेत. 58 वर्षीय राजू श्रीवास्तव (Raju Srivastava) यांना हृदयविकाराच्या तीव्र झटका आल्याने एम्समध्ये दाखल करण्यात आले होते. यानंतर डॉक्टरांनी अँजिओप्लास्टी करून त्यांचा स्टेंट काढला. एम्समधील कार्डिओलॉजी विभागाचे डॉक्टर नितीश नायक यांच्या देखरेखीखाली डॉक्टरांची टीम त्यांच्या प्रकृतीवर सतत लक्ष ठेवून आहेत.

नेमकं काय घडलं (Raju Srivastava Health) ?

जिममध्ये व्यायाम करत असताना राजू श्रीवास्तव यांची प्रकृती खालावली होती. राजू श्रीवास्तव जिममध्ये कसरत करत होते, तिथे ट्रेडमिलवर धावत असताना त्यांना छातीत दुखू लागले. त्यावेळी त्यांना तत्काळ रुग्णालयात नेण्यात आले. तेव्हापासून राजू श्रीवास्तव बेशुद्ध होते. त्यांना व्हेंटिलेटरवर ठेवण्यात आले होते. दरम्यान राजू यांची अँजिओग्राफी देखील करण्यात आली होती. त्यामध्ये त्यांच्या हृदयात 100% ब्लॉकेज असल्याचे आढळले होते. राजू श्रीवास्तव लवकर बरे व्हावेत, यासाठी देशभरातील चाहते प्रार्थना करत आहेत.

राजू श्रीवास्तव यांच्या जवळचे मित्र सुनील पाल यांनी देखील एका वेबसाईटला दिलेल्या मुलाखतीत म्हटले होते की, ‘राजू श्रीवास्तव (Raju Srivastava) यांचे व्हेंटिलेटर काढण्यात येणार आहे. तर, राजू श्रीवास्तव यांची मुलगी अंतरा हिने एबीपी न्यूजला माहिती देताना म्हटले होते की,’राजू श्रीवास्तव यांच्या सोशल मीडिया अकाऊंटवर शेअर होत असलेल्या माहितीवर लक्ष ठेवा. अफवांकडे लक्ष देऊ नका’.

संबंधित बातम्या