Pushpa Release Date : बहुप्रतिक्षीत 'पुष्पा' सिनेमा लवकरच होणार प्रदर्शित

Pushpa Release Date : अल्लू अर्जुन, रश्मिका मंदाना आणि फहाद फासिल यांचा पुष्पा सिनेमा प्रेक्षकांच्या भेटीला येणार आहे. 17 डिसेंबर 2021 ला प्रदर्शित होणार आहे.

pushpa

Pushpa Release Date : अल्लू अर्जुन, रश्मिका मंदाना आणि फहाद फासिलच्या चाहत्यांसाठी आनंदाची बातमी आहे. हे तिघे एकत्र असलेला पुष्पा सिनेमा लवकरच प्रेक्षकांना पाहता येणार आहे.  या चित्रपटाचे दिग्दर्शन सुकुमार यांनी केले आहे. तर निर्मिती रविशंकर यांनी केली आहे. थरार नाट्य असलेला हा चित्रपट 17 डिसेंबर, 2021 ला प्रदर्शित होणार आहे. 

पुष्पा चित्रपटाचे पोस्टर, फर्स्टलुक आणि पहिल्या गाण्याने प्रेक्षकांची उत्सुकता वाढवली आहे. सुकुमारने दिग्दर्शित केलेल्या या चित्रपटाची खासियत म्हणजे या चित्रपटात अल्लू अर्जुन आणि रश्मिका मंदानाची जोडी दिसून येणार आहे. वर्षाअंती प्रदर्शित होणाऱ्या या चित्रपटात सुकुमार, देवी श्री प्रसाद हे तिसऱ्यांदा एकत्र दिसून येणार आहेत. पुष्पा चित्रपटाचा दुसरा भाग 2022 मध्ये प्रदर्शित होणार आहे. 

निर्माते म्हणाले, "आम्ही नेहमीच प्रेक्षकांचे मनोरंजन करण्याचा प्रयत्न करत असतो. सिनेमा प्रेक्षकांना कायम लक्षात राहिल असा बनविण्याचा प्रयत्न करतो. सिनेमातील अॅक्शन, प्रेम, भाव-भावना प्रेक्षकांना आवडेल असा आम्हाला विश्वास आहे. या सिनेमातील कथा प्रेक्षकांना भावते. भारतीय सिनेविश्वात अशा पद्धतीचे कथानक अजून झालेले नाही. त्यामुळेच आम्ही अल्लू अर्जुन आणि रश्मिका मंदानाच्या चाहत्यांसोबत सिनेमाची तारिख जाहीर करण्यात प्रचंड उत्सुक आहोत". 

17 डिसेंबरला होणार प्रदर्शित

मुत्तमशेट्टी मिडीया, मैथ्री मूवी मेकर्सचे नवीन यरनेनी आणि रवि शंकर यांची निर्मिती असलेला पुष्पा सिनेमा 17  डिसेंबर 2021 ला प्रदर्शित होणार आहे.

जाणून घ्या "हे"  चित्रपट कधी होणार प्रदर्शित

जॉन अब्राहमचा सत्यमेव जयते 2 सिनेमा 26 नोव्हेंबरला प्रदर्शित होणार आहे. सुनील शेट्टीची मुलगी अहान शेट्टीचा चित्रपट 'तडप' 3 डिसेंबर 2021 ला प्रदर्शित होणार आहे. कार्तिक आर्यनचा 'भूल भुलैया 2' 19 नोव्हेंबरला प्रदर्शित होणार आहे. अजय देवगन, रकुलप्रीत आणि अमिताभ बच्चनचा'May Day' 29 एप्रिल 2022 ला सिनेमागृहात प्रदर्शित होणार आहे. शाहिद कपूर आणि मृणाल ठाकुरचा 'जर्सी' सिनेमा 31 डिसेंबर 2021 ला प्रदर्शित होणार आहे. रणवीर कपूर, वाणी कपूर आणि संजय दत्त 'शमशेरा' चित्रपटातून प्रेक्षकांच्या भेटीला येणार आहेत. हा सिनेमा 18 मार्च,2022 ला प्रदर्शित होणार आहे.