Prathamesh Laghate : आवडीच्या जेवणाचा बेत, हटके उखाणा; थाटात पार पडलं प्रथमेश लघाटेचं पहिलं केळवण

Prathamesh Laghate Mugdha Vaishampayan : प्रथमेश लघाटे आणि मुग्धा वैशंपायन लवकरच लग्नबंधनात अडकणार आहेत.

Prathamesh Laghate Mugdha Vaishampayan

Prathamesh Laghate Mugdha Vaishampayan First Kelvan : 'सारेगमप लिटिल चॅम्प्स' (Saregamapa Little Champs) या कार्यक्रमाच्या माध्यमातून घराघरात पोहोचलेले प्रथमेश लघाटे (Prathamesh Laghate) आणि मुग्धा वैशंपायन (Mugdha Vaishampayan) गेल्या काही दिवसांपासून चर्चेत आहेत. लवकरच ते लग्नबंधनात अडकणार आहेत. आता प्रथमेश लघाटेने त्याच्या पहिल्या केळवणाचा व्हिडीओ सोशल मीडियावर शेअर केला आहे. 

प्रथमेश लघाटेने पहिल्या केळवणाचा व्हिडीओ सोशल मीडियावर शेअर केला आहे. व्हिडीओ शेअर करत त्याने खास कॅप्शनदेखील लिहिलं आहे. त्याने लिहिलं आहे,"आमचं ठरलंय'च्या घोषणेनंतर आता हळूहळू केळवणांना सुरुवात होत आहे. हे फीलिंग खूप भारी आहे"

प्रथमेशने पुढे लिहिलं आहे,"अतिशय पारंपरिक पद्धतीने, प्रचंड आपुलकीने, पंच पक्वांनाच्या जेवणाने, अतिशय आग्रहाने खाऊ घालून माझ्या केळवणांचा शुभारंभ चतुरंगने केला. त्याबद्दल 'चतुरंग'च्या पूर्ण टीमला खूप खूप धन्यवाद". प्रथमेशच्या या पोस्टवर त्याच्या होणाऱ्या पत्नीने अर्थात मुग्धा वैशंपायननेदेखील खास कमेंट केली आहे. तिने लिहिलं आहे,"किती छान". 

 

 

 

 

 

View this post on Instagram

 

 

 

 

 

 

 

 

 

 

 

A post shared by Prathamesh Umesh Laghate (@prathamesh_laghate_adhikrut)

थाटात पार पडलं प्रथमेश लघाटेचं पहिलं केळवण

प्रथमेशने शेअर केलेल्या व्हिडीओमध्ये चतुरंग प्रतिष्ठानमधील महिला त्याला ओवाळताना दिसत आहेत. तसेच भेट म्हणून त्याला एक शालदेखील देण्यात आली आहे. त्यानंतर त्याने जेवणाच्या ताटाचा फोटोची झलकदेखील चाहत्यांना दाखवली आहे. या फोटोमध्ये चांदीच्या ताटात वरण, भात, पूरणपोळी, श्रीखंड, कांदाभजी असे त्याच्या आवडीचे पदार्थ केळवणासाठी वाढण्यात आले आहेत. 

प्रथमेशचा हटके उखाणा

केळवणादरम्यान प्रथमेशने एक हटके उखाणाही घेतला आहे."वाढलेलं पान रिकामी केलं एक एक घास घेत घेत, चतुरंगच्या कार्यालयामध्ये माझ्या जेवणाचा फक्कड जमला बेत", असा उखाणा प्रथमेशने घेतला आहे. 

प्रथमेश लघाटे आणि मुग्धा वैशंपायनची पहिली भेट 'सारेगमप लिटिल चॅम्प्स'च्या मंचावर झाली. पंधरा वर्षांपूर्वी झालेली दोघांची मैत्री आजही कायम आहे. पुढे त्यांनी त्यांची मैत्री पुढे नेण्याचा निर्णय घेतला असून प्रेमाची कबुलीही दिली आहे. गेल्या काही दिवसांपूर्वी "आमचं ठरलंय" असं म्हणत खास पोस्ट शेअर करत त्यांनी त्यांच्या प्रेमाची जाहीर कबुली दिली आहे. 

संबंधित बातम्या