OTT Release This Week : 'हीरामंडी' आणि 'शैतान'नंतर 'या' आठवड्यात ओटीटीवर रिलीज होणार 'हे' धमाकेदार चित्रपट अन् वेब सीरिज'; तुम्ही काय पाहणार?

OTT Release This Week : ओटीटी प्लॅटफॉर्मवर 'या' आठवड्यात अनेक धमाकेदार चित्रपट (Movies) आणि 'वेबसीरिज' (Web Series) रिलीज होणार आहेत. प्रेक्षकांना घरबसल्या या सीरिज आणि चित्रपट पाहता येणार आहेत.

OTT Release This Week

OTT Release This Week : ओटीटी (OTT) प्लॅटफॉर्मवर दरआठवड्यात अनेक नवनवे चित्रपट (Movies) आणि वेबसीरिज (Web Series) रिलीज होत असतात. ओटीटीवर प्रत्येक वयोगटातील मंडळींना त्यांच्या आवडीची कलाकृती पाहता येते. 'शैतान' (Shaitaan) ते 'हीरामंडी'पर्यंत (Heeramandi) अनेक बिग बजेट चित्रपट आणि वेबसीरिज या आठवड्यात प्रदर्शित झाले आहेत. या महिन्याच्या दुसऱ्या आठवड्यातही प्रेक्षकांना मनोरंजनाची मेजवानी मिळणार आहे. या आठवड्यात अनेक दमदार चित्रपट आणि वेबसीरिज रिलीज होणार आहेत. यात विनोदी, हॉरर, अॅक्शन आणि रोमान्स अशा अनेक जॉनरचा समावेश आहे. या आठवड्यात ओटीटी प्लॅटफॉर्मवर प्रेक्षकांना काय पाहायला मिळणार जाणून घ्या...

अनदेखी सीझन 3 (Undekhi Season 3)
कधी रिलीज होणार? 10 मे
कुठे पाहाल? सोनी लिव्ह

नंदीश संधू, हर्ष छाया स्टारर 'अनदेखी 3' ही सोनी लिव्हवरील सर्वात जास्त चर्चेत असणारी वेब सीरिज आहे. या सीरिजचे पहिले दोन सीझन प्रेक्षकांच्या पसंतीस उतरले आहेत. आता येत्या 10 मेला या सीरिजचा तिसरा सीझन रिलीज होणार आहे. हिंदी, तामिळ, तेलुगू, मल्याळम, कन्नड, मराठी आणि बंगाली या भाषांमध्ये ही सीरिज रिलीज होणार आहे. या सीरिजमध्ये दिब्येंदु भट्टाचार्य, सूर्या शर्मा, हर्ष छाया, आंचल सिंह, अंकुर राठी आणि अभिषेक चौहान मुख्य भूमिकेत आहेत. 

योद्धा (Yodha)
कधी रिलीज होणार? 15 मे
कुठे पाहता येईल? प्राईम व्हिडीओ

सिद्धार्थ मल्होत्रा, राशी खन्ना आणि दिशा पाटनी यांचा 'योद्धा' हा चित्रपट 22 मार्चला सिनेमागृहात प्रदर्शित झाला होता. या सिनेमाला प्रेक्षकांचा संमिश्र प्रतिसाद मिळाला. आता घरबसल्या प्राईम व्हिडीओवर 15 मेपासून प्रेक्षकांना हा चित्रपट पाहता येईल. 

आडुजीविथम - द गोट लाईफ (Aadujeevitham The Goat Life)
कधी रिलीज होणार? 10 मे
कुठे पाहता येईल? डिज्नी प्लस हॉटस्टार

'आडुजीविथम-द गोट लाइफ' हा 2024 मधील सर्वाइवल ड्रामा आहे. ब्लेसीने या चित्रपटाचं दिग्दर्शन केलं आहे. बेन्यामिनच्या 2008 मधील उपन्यास 'आडुजीविथम'वर हा आधारित आहे. एका सत्यघटनेवर आधारित हा चित्रपट आहे. या चित्रपटात पृथ्वीराज सुकुमारन, जिमी लीन-लुई आणि केआर गोकुल मुख्य भूमिकेत आहेत. तर तालिब अल बलुशी, रिक एबी, अमला पॉल आणि शोभा महन या चित्रपटात सहाय्यक भूमिकेत आहेत. 10 मे 2024 रोजी डिज्नी प्लस हॉटस्टार या ओटीटी प्लॅटफॉर्मवर प्रेक्षकांना हा चित्रपट पाहता येईल.

मर्डर इन माहिम (Murder in Mahim)
कधी रिलीज होणार? 10 मे
कुठे पाहता येईल? जिओ सिनेमा

आशुतोष राणा आणि विजय राज यांची फिजियोलॉजिकल क्राइम, थ्रिलर सीरिज 'मर्डर इन माहिम' 10 मे 2024 रोजी जिओ सिनेमावर रिलीज होत आहे. या मर्डर मिस्ट्री सीरिजच्या दिग्दर्शनाची धुरा राज आचार्य यांनी सांभाळली आहे. या सीरिजमध्ये शिवानी रघुवंशी आणि शिवाजी साटम महत्त्वाच्या भूमिकेत आहेत. 

8 एएम मेट्रो (8 A.M. Metro)
कधी रिलीज होणार? 10 मे
कुठे पाहता येईल? झी5

'8 एएम मेट्रो' हा रोमँटिक चित्रपट आहे. गुलशन देवैया आणि सैयामी खेर या चित्रपटात मुख्य भूमिकेत आहेत. 10 मे 2024 रोजी झी 5 या ओटीटी प्लॅटफॉर्मवर हा चित्रपट रिलीज होईल.

रत्नम (Ratnam)
कुठे पाहता येईल? प्राईम व्हिडीओ

रत्नम हा तामिळ अॅक्शनपट आहे. हा चित्रपट याच आठवड्यात प्राईम व्हिडीओवर रिलीज होणार आहे. 

ऑल ऑफ अस स्ट्रेजर्स (All of us Strangers)
कधी रिलीज होणार? 8 मे
कुठे पाहता येईल? डिज्नी प्लस हॉटस्टार

'ऑल ऑफ अस स्ट्रेजर्स' प्रेक्षकांना 8 मे 2024 रोजी डिज्नी प्लस हॉटस्टारवर पाहता येईल. 

द फायनल अटॅक ऑन वेम्ब्ले (The Final Attack on Wembley)
कधी रिलीज होणार? 8 मे
कुठे पाहता येईल? नेटफ्लिक्स

'द फायनल अटॅक ऑन वेम्ब्ले' ही सीरिज फुटबॉल मॅचवर आधारित आहे. 8 मे 2024 पासून प्रेक्षकांना नेटफ्लिक्सवर ही सीरिज पाहता येईल. 

मॅक्सटन हॉल-द वर्ल्ड बिटविन अस (Maxton Hall)
कधी रिलीज होणार? 9 मे
कुठे पाहता येईल? प्राईम व्हिडीओ

मोना केस्टन यांच्या सेव मी या कादंबरीवर आधारित मॅक्सटन हॉल-द वर्ल्ड हा चित्रपट आहे. 

डॉक्टर हू
कधी रिलीज होणार? 11 मे
कुठे पाहता येईल? डिज्नी प्लस हॉटस्टार

'डॉक्टर हू'मध्ये एका डॉक्टरची गोष्ट दाखवण्यात आली आहे. 11 मेपासून डिज्नी प्लस हॉटस्टावर प्रेक्षकांना हे पाहता येईल.

जानकी समसारा 

जानकी समसारा ही कन्नड सीरिज आहे. एकत्रित कुटुंबात राहणाऱ्या जानकी आणि राघवची गोष्ट या सीरिजमध्ये दाखवण्यात आली आहे. 6 मेपासून प्रेक्षकांना डिज्नी प्लस हॉटस्टारवर ही रिलीज पाहता येईल. 

आवेशम 

'आवेशम' 2024 मधला मल्याळम अॅक्शनपट आहे. जीतू माधवनने या चित्रपटाचं दिग्दर्शन केलं आहे. 9 मे 2024 पासून प्राईम व्हिडीओवर प्रेक्षकांना हा चित्रपट पाहता येईल.

संबंधित बातम्या