Udayanraje On Pushpa : उदयनराजेंवर पुष्पा चित्रपटाचा प्रभाव, गाण्यावर धुंद होत उदयनराजे साताऱ्यातील सेल्फी पाँईंटवर

उदयनराजेंवर पुष्पा चित्रपटाचा प्रभाव दिसून आला. पुष्पा चित्रपटातील गाणे लावून त्यांनी साताऱ्यात फेरफटका मारला.

Udayanraje On Pushpa : दाक्षिणात्य सुपरस्टार अल्लू अर्जुनचा 'पुष्पा: द राइज' (Pushpa : The Rise) सिनेमा बॉक्सऑफिसवर चांगलाच धुमाकूळ घालत आहे. भाजपचे खासदार उदयनराजेंवरदेखील पुष्पा चित्रपटाचा प्रभाव दिसून आला आहे. उदयनराजेंनी पुष्पा सिनेमातील गाणे लावून अल्लू अर्जुनसारखा पेहराव करत साताऱ्यात फेरफटका मारला आहे. 

गाण्यावर धुंद होत उदयनराजे काही कार्यकर्त्यांसह साताऱ्यातील सेल्फी पाँईंटवर दिसून आले. दरम्यान त्यांनी गाडीत बसल्यावर त्यांची शर्टाची कॉलर उडवण्याची हटके स्टाईलदेखील उपस्थितांना करून दाखवली. पुष्पा सिनेमाने बॉक्स ऑफिसवर चांगलीच कमाई केली आहे. जगभरात कोरोनाचा प्रादुर्भाव वाढत आहे तरीदेखील सिनेमा कोट्यवधींची कमाई करतो आहे.

पुष्पा सिनेमा अॅमेझॉन प्राइम व्हिडिओवर हिंदी भाषेत झाला प्रदर्शित
पुष्पा सिनेमा अॅमेझॉन प्राइम व्हिडिओवर 14 जानेवारी रोजी हिंदी भाषेत प्रदर्शित झाला आहे. तर  7 जानेवारी रोजी हा सिनेमा तेलुग, तमिळ, मल्याळम आणि कन्नड भाषेत प्रदर्शित झाला आहे. 'पुष्पा: द राइज' हा पुष्पा चित्रपटाचा पहिला भाग आहे. 2022 मध्ये या चित्रपटाचा दुसरा पार्ट प्रदर्शित होणार आहे. अल्लू अर्जुन आणि रश्मिका मंदाना यांच्यासोबतच फहाद फासिलने देखील या चित्रपटात प्रमुख भूमिका साकारली आहे.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha