Hrithik Roshan : ‘लगान’च नव्हे, तर ‘बाहुबली’ही नाकारला! हृतिक रोशनने नकार दिलेले ‘हे’ चित्रपट ठरले सुपरहिट

Hrithik Roshan : हृतिकने त्याच्या करिअरमध्ये असे अनेक चित्रपट नाकारले, जे पुढे प्रदर्शित झाल्यानंतर सुपरडुपर हिट ठरले होते.

Hrithik Roshan

Hrithik Roshan : ‘कहोना प्यार है’पासून आपल्या करिअरची सुरुवात करणारा अभिनेता हृतिक रोशन (Hrithik Roshan) आपल्या अभिनयाने प्रेक्षकांच्या मनावर गारुड घालत आहे. आपल्या अभिनयाच्या जोरावर प्रेक्षकांचे मनोरंजन करणाऱ्या हृतिक रोशनने अनेक सुपरहिट चित्रपट दिले आहेत. मात्र, हृतिकने त्याच्या करिअरमध्ये असे अनेक चित्रपट नाकारले, जे पुढे प्रदर्शित झाल्यानंतर सुपरडुपर हिट ठरले होते. यात ‘लगान’पासून ते अगदी ‘बाहुबली’पर्यंतच्या चित्रपटांचा समावेश आहे. चला तर जाणून घेऊया ‘अशा’ सुपरहिट चित्रपटांबद्दल जे हृतिक रोशनने नाकारले...

लगान

आशुतोष गोवारीकर यांनी ‘लगान’ बनवण्याचा विचार केला, तेव्हा त्यांच्या मनात पहिले नाव हृतिक रोशनचे नाव आले होते. मात्र, हृतिक रोशन याने या चित्रपटाला नकार दिला होता. हृतिकने नाकारल्यानंतर हा चित्रपट आमिर खानच्या पदरी पडला. 2001मध्ये आलेल्या या चित्रपटाने अनेक विक्रम मोडीत काढले.

बाहुबली

प्रभासच्या ‘बाहुबली’ या चित्रपटाने जगभरातील बॉक्स ऑफिसवर धुमाकूळ घातला होता. या चित्रपटातील प्रभासच्या दमदार अभिनयाने चित्रपटाला आणखी मनोरंजक बनवले होते. मात्र, या चित्रपटासाठी प्रभास नव्हे तर हृतिक रोशन निर्मात्यांची पहिली पसंती होता. मात्र, त्याने नकार दिल्यानंतर हा चित्रपट प्रभासच्या वाट्याला आला.

रंग दे बसंती

‘रंग दे बसंती’ या चित्रपटाने देखील बॉक्स ऑफिसवर चांगलाच धुमाकूळ घातला होता. या चित्रपटातील सिद्धार्थ याने साकारलेल पात्र करण मल्होत्रा हे आधी हृतिकच्या वाट्याला आले होते. मात्र, हृतिकने हा चित्रपटही नाकारला होता. त्यानंतर सिद्धार्थच्या वाट्याला ही भूमिका आली. ‘रंग दे बंसती’ हा चित्रपट देखील सुपरहिट ठरला होता.

पिंक पँथर

हृतिक रोशनला हॉलिवूड चित्रपट ‘पिंक पँथर’मध्ये देखील एक भूमिका ऑफर करण्यात आली होती. मात्र, आपण ही भूमिका करण्यास पात्र नसल्याचे म्हणत त्याने ही भूमिका नाकारली होती.

‘हे’ चित्रपटही नाकारले!

हृतिक रोशनने ‘बंटी और बबली’, ‘स्वदेश’, ‘दिल चाहता है’ या चित्रपटातील भूमिकाही नाकारली होती. त्यानंतर ही भूमिका इतर कलाकारांच्या वाट्याला गेली आणि हे चीत्र्पाठी सुपरहिट ठरले. सध्या हृतिक रोशन त्याच्या ‘विक्रम वेढा’ या चित्रपटाच्या कामात व्यस्त आहे. लवकरच या चित्रपटातून तो प्रेक्षकांच्या भेटीला येणार आहे.

हेही वाचा :