Movies Release in 2022: 2021 मध्ये प्रदर्शित झालेल्या अनेक चित्रपटांनी प्रेक्षकांचे मनोरंजन केले पण आता 2022 मध्ये प्रदर्शित होणाऱ्या आगामी चित्रपटांची प्रेक्षक उत्सुकेने वाट पाहात आहेत. जाणून घेऊयात कोणते चित्रपट 2022 मध्ये प्रेक्षकांच्या भेटीस येणार आहेत.
लाल सिंह चड्ढा (Laal Singh Chaddha)
लाल सिंह चड्ढा हा 14 एप्रिल 2022 रोजी प्रदर्शित होणार आहे. या चित्रपटात आमिर खान करीना कपूर, मोना सिंह आणि नागा चैतन्य हे प्रमुख भूमिका साकारणार आहेत. . या चित्रपटाचे चित्रीकरण पंजाब, हिमाचल प्रदेश, लडाख आणि तुर्की येथे झाले आहे. आमिर खान, किरण राव आणि वायकॉम 18 स्टूडियोज यांनी या चित्रपटाची निर्मिती केली आहे.
केजीएफ चॅप्टर-2 (Kgf Chapter 2)
'केजीएफ' या चित्रपटाच्या पहिल्या भागाला प्रेक्षकांची पसंती मिळाली होती. लवकरच या चित्रपटाचा दुसरा भाग म्हणजेच 'केजीएफ चॅप्टर-2' प्रेक्षकांच्या भेटीस येणार आहे. या चित्रपटात रवीना टंडन, यश आणि संजय दत्त हे कलाकारांनी महत्वाच्या भूमिका साकारल्या आहेत.
गंगूबाई काठियावाडी (Gangubai Kathiawadi)
संजय लीला भन्साळी प्रोडक्शन हाउसचा 'गंगूबाई काठियावाडी' हा चित्रपट 18 फेब्रुवारीला प्रदर्शित होणार आहे. या चित्रपटात आलिया भटने प्रमुख भूमिका साकारली आहे.
आरआरआर (RRR)
7 जानेवारी 2022 रोजी 'आरआरआर' चित्रपट प्रेक्षकांच्या भेटीस येणार आहे. या चित्रपटामध्ये लोकप्रिय कलाकार प्रमुख भूमिकेत दिसणार आहेत. आरआरआर चित्रपटात अजय देवगण, आलिया भट्ट, ज्यूनियर एनटीआर आणि राम चरण या कालाकारांनी प्रमुख भूमिका साकारली आहे. एसएस राजामौली यांनी या चित्रपटाचे दिग्दर्शन केले आहे.आरआरआर या पीरियड अॅक्शन ड्रामा चित्रपटाची निर्मिती डी.व्ही.व्ही. दनय्या यांनी केली आहे.
ब्रह्मास्त्र (Brahmastra)
बॉलिवूडमधील प्रसिद्ध अभिनेता रणबीर कपूर आणि अभिनेत्री आलिया भट यांचा ब्रह्मास्त्र हा चित्रपट 9 सप्टेंबर 2022 रोजी प्रदर्शित होणार आहे. बॉलिवूडचे महानायक अमिताभ बच्चन देखील या चित्रपटात प्रमुख भूमिका साकारणार आहेत. तसेच मौनी रॉय आणि नागार्जुन हे या चित्रपटात महत्वपूर्ण भूमिका साकारणार आहेत.
संबंधित बातम्या
The Kapil Sharma Show : 'मुंबईत राहतो आणि मराठी बोलत नाही'; सोनालीनं कपिलला सुनावलं
Best Shows Of 2021: 2021 मध्ये टीआरपीच्या शर्यतीत 'या' मालिका अव्वल; प्रेक्षकांची सर्वाधिक पसंती