मुंबई : बॉलिवूडमधील सध्याचे चर्चित कपल असलेले कतरिना आणि विकी आता लग्नाच्या बेडीत अडकले आहेत. लग्नानंतरच्या ज्या काही प्रथा असतात त्या आता केल्या जात आहेत. त्याचाच एक भाग म्हणून कतरिनाने विकी कौशलसाठी शिरा बनवला. कतरिनाने तिच्या सोशल मीडियावर हा फोटो शेअर करत 'मी बनवलं' असं कॅप्शन शेअर केलं आहे. एकंदरीत आता कतरिना-विकीच्या संसाराला सुरुवात झाली आहे. 


कतरिना आणि विकी कौशलचे लग्न 9 डिसेंबरला सवाई माधोपूर येथील सिक्स सेन्स फोर्टमध्ये पार पडले. या शाही लग्नसोहळ्यात फक्त त्यांच्या जवळच्या लोकांनी हजेरी लावली होती. लग्नाच्या काही तासांनंतर या जोडप्याने सोशल मीडियावर त्यांच्या लग्नाचे फोटो शेअर केले होते. या फोटोंवर कॅप्शन लिहिली होती,"तुमच्या सर्वांच्या प्रेमाने आणि आशीर्वादाने आम्ही या नव्या प्रवासाची सुरुवात करत आहोत".


 






लग्नाच्या एका आठवड्यानंतर कतरिनाने तिच्या इन्स्टाग्रामवरील प्रोफाईल फोटो बदलला आहे. तिने आता तिचा प्रोफाईल फोटो म्हणून विकीसोबतचा एक रोमॅंटिक फोटो ठेवला आहे. कतरिना आणि विकीच्या लग्नानंतर 20 डिसेंबरला मुंबईत भव्य रिसेप्शन होणार आहे. या कार्यक्रमात बॉलिवूडच्या अनेक दिग्गजांना आमंत्रित करण्यात आले आहे. 


संबंधित बातम्या :