The Kapil Sharma Show : 'मुंबईत राहतो आणि मराठी बोलत नाही'; सोनालीनं कपिलला सुनावलं

छोट्या पडद्यावरील प्रसिद्ध शो 'द कपिल शर्मा शो (The Kapil Sharma Show) ला प्रेक्षकांची नेहमी पसंती मिळते.

Kapil Sharma Show : छोट्या पडद्यावरील प्रसिद्ध शो 'द कपिल शर्मा शो (The Kapil Sharma Show) ला प्रेक्षकांची नेहमी पसंती मिळते. कपिल शर्मा  (Kapil Sharma)  सोबतच भारती सिंह, कीकू शारदा, कृष्णा अभिषेक आणि चंदन प्रभाकर हे कलाकार देखील या शोमधून प्रेक्षकांच्या भेटीस येतात. नुकतीच या शोमध्ये सोनाली कुलकर्णी (Sonali Kulkarni), रवि किशन (Ravi Kishan) आणि सचिन खेडेकर (Sachin Khedekar) यांनी हजेरी लावली. यावेळी कपिलला 'मराठी का बोलत नाही?' असं विचारत सोनालीने सुनावलं.

'द कपिल शर्मा शो' च्या एका एपिसोडचा व्हिडीओ  नुकताच प्रदर्शित झाला. या व्हिडीओमध्ये कपिल शोमध्ये आलेल्या पाहूण्यांचे स्वागत करताना दिसत आहे. यावेळी सोनाली कपिलला म्हणते, 'तु फक्त हिंदी इंग्रजीमध्ये बोलणार का? मराठीमध्ये पण बोलं' सोनालीचं हे बोलणं ऐकल्यानंतर कपिल एक-दोन वाक्य मराठी भाषेत बोलला. सध्या हा व्हिडीओ सोशल मीडियावर प्रचंड व्हायरल होत आहे. 

रिपोर्टनुसार, 'द कपिल शर्मा शो' या शोचे दिग्दर्शन भारत कुकरेती हे करतात. तसेच अभिनेता सलमान खान या शोचा निर्माता आहे.  23 एप्रिल  2016 रोजी द कपिल शर्मा शोची सुरूवात झाली. बॉलिवूडमधील अनेक कलाकार या शोमध्ये येऊन त्यांच्या आयुष्यातील वेगवेगळे किस्से प्रेक्षकांसोबत शेअर करतात. 'द कपिल शर्मा शो' च्या एका एपिसोडसाठी कपिल 50 लाख रूपये मानधन घेतो. म्हणजेच तो एका विकेंडसाठी 1 कोटी रूपये मानधन घेतो.

संबंधित बातम्या