Lalita Shivaji babar : मुख्यमंत्री एकनाथ शिंदे यांच्या हस्ते 'ललिता शिवाजी बाबर'चा टीझर लॉंच; अमृता खानविलकरने शेअर केला व्हिडीओ

Lalita Shivaji babar : 'ललिता शिवाजी बाबर' हा सिनेमा लवकरच प्रेक्षकांच्या भेटीला येणार आहे.

Lalita Shivaji babar

Lalita Shivaji Babar Teaser Out : प्रसिद्ध धावपटू, आशियाई चॅम्पियन 'माणदेशी एक्सप्रेस' म्हणजेच 'ललिता शिवाजी बाबर' हिच्या आयुष्यावर आधारित 'ललिता शिवाजी बाबर' (Lalita Shivaji Babar) हा सिनेमा लवकरच प्रेक्षकांच्या भेटीला येणार आहे. नुकताच या सिनेमाचा टीझर आऊट झाला आहे. मुख्यमंत्री एकनाथ शिंदे (Eknath Shinde) यांच्या हस्ते या सिनेमाचा टीझर लॉंच करण्यात आला आहे. यावेळी उपमुख्यमंत्री देवेंद्र फडणवीस (Devendra Fadnavis), ललिता बाबर, अमृता खानविलकरसह (Amruta Khanvilkar) अनेक मान्यवर उपस्थित होते. 

राष्ट्रीय विक्रम नावावर असलेल्या ललिता शिवाजी बाबरही या या कार्यक्रमादरम्यान भावूक झाली. ती म्हणाली की,"कठीण प्रसंगांचा सामना करून मी आज इथे पोहोचले आहे. आज माझा इथे सन्मान झाला, हा माझ्यासाठी खूप आनंदाचा क्षण आहे. मी अमृता खानविलकर यांच्यासह सगळ्यांचेच खूप आभार मानते".  

 

 

 

 

 

View this post on Instagram

 

 

 

 

 

 

 

 

 

 

 

A post shared by Amruta Khanvilkar (@amrutakhanvilkar)

'ललिता शिवाजी बाबर' यांची भूमिका साकारण्याचा मान मिळाल्याबद्दल अमृता खानविलकर म्हणाली,"आज या कार्यक्रमाच्या निमित्ताने 'ललिता शिवाजी बाबर' यांची छोटीशी झलक माननीय मुख्यमंत्री एकनाथ शिंदे यांना दाखवण्याची संधी मिळाली याचा आनंद आहे. ललिता शिवाजी बाबर यांना समजून घेण्यासाठी, मागील एक-दीड वर्षांपासून मी घेतलेली मेहनत आज मार्गी लागली. ललिताताई बोलताना खूप भावनिक झाल्या. ताईंचे साधेपण, बोलणे मनाला भिडले. माझ्यासाठी हा खास क्षण आहे. आता कुठे प्रवास सुरू झाला आहे. अजून खूप पळायचे आहे".  

अमृताने शेअर केला व्हिडीओ

अमृता खानविलकरने टीझर लॉंच दरम्यानचा एक व्हिडीओ सोशल मीडियावर शेअर केला आहे. व्हिडीओ शेअर करत तिने लिहिलं आहे,"एक संस्मरणीय संध्याकाळ... ललिता ताईंसोबतचा हा क्षण खरचं खूप कमाल होता". अमृताच्या या व्हिडीओवर चाहत्यांनी कमेंट्स करत तिला आगामी सिनेमासाठी शुभेच्छा दिल्या आहेत. 

'ललिता शिवाजी बाबर' कधी प्रदर्शित होणार? (Lalita Shivaji Babar Release Date)

'ललिता शिवाजी बाबर' (Lalita Shivaji Babar Movie) या सिनेमाचं पोस्टर आणि टीझरने प्रेक्षकांचं लक्ष वेधलं आहे. चाहते आता सिनेमाची आतुरतेने वाट पाहत आहेत. हा सिनेमा 26 जानेवारी 2024 रोजी प्रेक्षकांच्या भेटीला येणार आहे. 

संबंधित बातम्या