KKBKKJ Box Office Collection Day 6: सलमानच्या 'किसी का भाई किसी की जान' च्या कमाईत घसरण; जाणून घ्या सहाव्या दिवसाचं कलेक्शन
'किसी का भाई किसी की जान' या चित्रपटाला गेल्या पाच दिवसात प्रेक्षकांचा चांगला प्रतिसाद मिळत आहे. पण आता सहाव्या दिवशी मात्र या चित्रपटाच्या कमाईत घसरण झाली आहे.
KKBKKJ Box Office Collection Day 6: बॉलिवूडचा भाईजान अभिनेता सलमान खानचा (Salman Khan) 'किसी का भाई किसी की जान' (Kisi Ka Bhai Kisi Ki Jaan) हा चित्रपट 21 एप्रिल रोजी प्रेक्षकांच्या भेटीस आला. या चित्रपटातील गाण्यांना तसेच अॅक्शन सिनला प्रेक्षकांची पसंती मिळत आहे. 'किसी का भाई किसी की जान' या चित्रपटाला गेल्या पाच दिवसात प्रेक्षकांचा चांगला प्रतिसाद मिळत आहे. पण आता सहाव्या दिवशी मात्र या चित्रपटाच्या कमाईत घसरण झाल्याचं पाहायला मिळत आहे. 'किसी का भाई किसी की जान' या चित्रपटाचं सहा दिवसांचे कलेक्शन जाणून घेऊयात...
'किसी का भाई किसी की जान' चे कलेक्शन
पहिला दिवस : 15.81 कोटी
दुसरा दिवस : 25.75 कोटी
तिसरा दिवस : 26.61 कोटी
चौथा दिवस : 10.17 कोटी
पाचवा दिवस : 7.50 कोटी
सहावा दिवस : 5 कोटी
एकूण कमाई : 90.84 कोटी
View this post on Instagram
'किसी का भाई किसी की जान' हा चित्रपट लवकरच 100 कोटींच्या क्लबमध्ये सामील होईल, असं म्हटलं जात आहे. या चित्रपटामधील 'छोटू मोटू' ,'येंतम्मा', 'नय्यो लगदा', 'बिल्ली बिल्ली', 'बथुकम्मा' आणि 'जी रहे थे हम' या गाण्यांना प्रेक्षकांची पसंती मिळाली आहे. या चित्रपटाच्या माध्यमातून सलमान खान आणि अभिनेत्री पूजा हेगडे यांची ऑन स्क्रिन केमिस्ट्री पहिल्यांदाज प्रेक्षकांना बघायला मिळाली. या दोघांच्या जोडीला प्रेक्षकांची पसंती मिळत आहे.
'किसी का भाई किसी की जान' मधील स्टार कास्ट
'किसी का भाई किसी की जान' या चित्रपटात पूजा आणि सलमानसोबतच शहनाज गिल, भूमिका चावला, साऊथ सुपरस्टार वेकेंटश दग्गुबाती, पलक तिवारी, सिद्धार्थ निगम, जस्सी गिल या कलाकारांनी प्रमुख भूमिका साकारली आहे. 'किसी का भाई किसी की जान' हा चित्रपट चित्रपटगृहानंतर ओटीटीवर देखील रिलीज करण्यात येईल, असंही म्हटलं जात आहे.
सलमानचे आगामी चित्रपट
सलमानचा 'टायगर-3' हा चित्रपट देखील लवकरच प्रेक्षकांच्या भेटीस येणार आहे. किक-2 तसेच नो एन्ट्रीच्या सिक्वेलमधून सलमान प्रेक्षकांच्या भेटीस येणार आहे, असंही म्हटलं जात आहे.
इतर महत्वाच्या बातम्या:
महत्त्वाच्या बातम्या
