Kirkol Navre : 'माझ्या नवऱ्याची बायको' फेम राधिका शोधतेय 'किरकोळ नवरे'; नेमकं प्रकरण काय?

Kirkol Navre : 'किरकोळ नवरे' हे नवं नाटक आता प्रेक्षकांच्या भेटीला आलं आहे.

Kirkol Navre

Kirkol Navre New Marathi Drama : सिनेसृष्टीसह मराठी रंगभूमीवरही वेगवेगळ्या विषयांवर भाष्य करणारी नाटक येत आहेत. छोटा किंवा मोठा पडदा गाजवल्यानंतर सेलिब्रिटी मंडळी आता रंगभूमीवर पदार्पण करू लागले आहेत. आता आपल्या खमक्या स्वभावाने  नवऱ्याला वठणीवर आणणारी राधिका म्हणजे अभिनेत्री अनिता दाते (Anita Date) आता किरकोळ नवरे शोधतेय. ती किरकोळ  नवरे का आणि कशासाठी  शोधतेय? हे जाणून  घ्यायचं असेल तर रंगभूमीवर आलेलं 'किरकोळ नवरे' (Kirkol Navre) हे नवं नाटक तुम्हाला बघावं लागेल.

हसून हसून दमछाक करणार डामचिक नाटक अशी  टॅगलाईन असलेल्या या  नाटकात अभिनेत्री अनिता दाते  हिच्यासोबत सागर देशमुख (Sagar Deshmukh), पुष्करराज चिरपुटकर (Pushkaraj Chirputkar) दिसणार  आहेत. या नाटकाच्या लेखन - दिग्दर्शनाची धुरादेखील सागर देशमुखनेच सांभाळली आहे. 

आजवर वेगवेगळया भूमिकांमधून या तिघांनी आपली कमाल दाखवली आहे. आता एकत्र येत हे तिघे काय धमाल करतात यासाठी हे नाटक पहायला हवं. मनोरंजनातून अंजन घालणारे हे नाटक करताना आम्ही  खूप मजा करतोय. प्रेक्षकही हे नाटक तितकचं एन्जॉय करतील असा विश्वास हे तिघे व्यक्त करतात.

 

 

 

 

 

View this post on Instagram

 

 

 

 

 

 

 

 

 

 

 

A post shared by येssss...नाटकवाले.....🎭 (@yeeeeee_natakwaleeeee)

किरकोळ नवरे हे विनोदी नाटक नवरा बायकोच्या नात्याबद्दलचं आहेच, पण नात्यातली असुरक्षितता आणि चिरंतर प्रेमाबद्दलही बोलणारं आहे. या नाटकाचे निर्माते अभिजीत देशपांडे, राहुल कर्णिक, दिनू पेडणेकर आहेत. दिग्दर्शन सहाय्य कल्पेश समेळ तर नेपथ्य संदेश बेंद्रे यांचे आहे. संगीत सौरभ भालेराव यांचे असून गीते जितेंद्र जोशी यांनी लिहिली आहेत. प्रकाशयोजना विक्रांत ठकार तर वेशभूषा सोनल खराडे यांची आहे. या नव्या नाटकाची नाट्यरसिकांना उत्सुकता आहे.

अनिता दाते-केळकरबद्दल जाणून घ्या... ( Who Is Anita Date - kelkar)

'माझ्या नवऱ्याची बायको' या छोट्या पडद्यावरील लोकप्रिय मालिकेच्या माध्यमातून अनिता दाते घराघरांत पोहोचली आहे. सध्या 'नवा गडी नवं राज्य' या मालिकेच्या माध्यमातून ती प्रेक्षकांच्या भेटीला आली आहे. आता अभिनेत्रीचं 'किरकोळ नवरे' हे नाटक प्रेक्षकांच्या भेटीला आलं आहे. राणी मुखर्जीच्या 'अय्या' या सिनेमातही अनिता दाते महत्त्वाच्या भूमिकेत होती.

संबंधित बातम्या