सैफच्या मुलीच्या पहिल्या सिनेमाचं पोस्टर रिलीज

अभिषेक कपूरने सुशांतसिंह राजपूतची मुख्य भूमिका असलेला ‘काय पो छे’चं दिग्दर्शन केलं होतं. त्यामुळे अभिषेक कपूर आणि सुशांतसिंह राजपूत दुसऱ्यांदा एकत्र काम करणार आहेत.

मुंबई : बॉलिवूड अभिनेता सैफ अली खानची मुलगी सारा अली खान बॉलिवूडमध्ये एन्ट्रीसाठी तयार झालीय. अभिनेता सुशात सिंह राजपूत आणि सारा अली खान यांची मुख्य भूमिका असलेल्या ‘केदारनाथ’ सिनेमाचं पोस्टर रिलीज करण्यात आलं आहे. हिमालयातले डोंगर, मंदिर आणि शिवशंकराची मूर्ती या पोस्टरवर दिसून येतात. शिवाय, दोन प्रेमींचे चेहरे काळ्या शेडमध्ये दिसतात. दिग्दर्शक अभिषेक कपूरने हे पोस्टर सोशल मीडियावरुन रिलीज केले आहे. अभिषेक कपूरने पोस्टर शेअर करताना ट्वीटमध्ये म्हटलंय की, “शूटिंग सुरु होण्याच्या आदली रात्र नेहमीच मोठी असते. संपूर्ण टीमला प्रचंड उत्सुकता आहे आणि सकाळी 5 वाजता शूटिंग सुरु होणार आहे. त्याआधी तुम्ही इथे पोस्टर पाहू शकता.” https://twitter.com/Abhishekapoor/status/904743942360416256 याआधी अभिषेक कपूरने सुशांतसिंह राजपूतची मुख्य भूमिका असलेला ‘काय पो छे’चं दिग्दर्शन केलं होतं. त्यामुळे अभिषेक कपूर आणि सुशांतसिंह राजपूत दुसऱ्यांदा एकत्र काम करणार आहेत. अभिनेता सुशांतसिंह राजपूतनेही आपल्या सोशल मीडिया हँडल्सवरुन ‘केदारनाथ’चं पोस्टर रिलीज केलं आहे. या सिनेमातून अभिनेता सैफ अली खान याची मुलगी सारा अली खान बॉलिवूडमध्ये पदार्पण करणार आहे. प्रेम कथेवर आधारित हा सिनेमा 2018 मध्ये उन्हाळ्यात रिलीज होणार असल्याचे बोलले जात आहे.