लग्नाच्या अफवांवर Katrina Kaif ने सोडले मौन, म्हणाली...

बॉलिवूडचे कतरिना कैफ आणि विकी कौशलच्या लग्नाच्या अफवा सोशल मीडियावर सध्या खूपच व्हायरल होत आहेत.

कतरिना_-_विकी

Katrina Kaif And Vicky Kaushal : बॉलिवूडचे स्टार कतरिना कैफ आणि विकी कौशलच्या लग्नाच्या अफवा सध्या सोशल मीडियावर खूपच व्हायरल होत आहेत. त्यामुळे कतरिना कैफ आणि विकी कौशल सध्या चर्चेत आहेत. कतरिना कैफ आणि विकी कौशल येत्या नोव्हेंबर किंवा डिसेंबरमध्ये लग्न करणार अशा चर्चांना उधाण आले आहे. 

एका रिपोर्टमध्ये असे सांगण्यात आले आहे की,"विकी आणि कतरिना डिसेंबर महिन्यामध्ये लग्न करणार आहेत. पण त्यांचा हा विवाह सोहळा गुपचूपपणे पार पडणार असल्याचे सांगितले जात आहे. दोघांचे लग्नाचे आउटफिट हे सेलिब्रिटी  डिझायनर सब्यसाची हे डिझाइन करणार आहेत". कतरिना आणि विकीने त्यांच्या नात्यासंबंधी कोणतीही अधिकृत माहिती जाहीर केलेली नाही. पण तरीही या अफवा सोशल मीडियावर पसरल्या आहेत. त्या दोघांच्या चाहत्यांनी त्यांना शुभेच्छादेखील दिल्या आहेत. 

कतरिनाने लग्नाच्या अफवांवरील मौन तोडले
'एक था टायगर' फेम अभिनेत्री कतरिना कैफने विकी कौशलसोबत लग्न होणार नसल्याचे जाहीर केले आहे. कतरिनाने स्पष्ट केले आहे,"विकी कौशलसोबतच्या तिच्या लग्नाच्या अफवांमध्ये तथ्य नाही". 

कतरिनाने केले विकी कौशलचे कौतुक
विकी कौशलच्या 'सरदार उधम' सिनेमाच्या स्क्रिनिंग दरम्यान कतरिनाने विकीचे कौतुक करताना दिसून आली होती. 'सरदार उधम' सिनेमातील विकीच्या अभिनयाचे कतरिनाने कौतुक केले होते.      

कतरिना कैफचे आगामी सिनेमे
कतरिना कैफ लवकरच 'सूर्यवंशी' सिनेमात दिसणार आहे. सध्या ती 'सूर्यवंशी' सिनेमाच्या प्रमोशनमध्ये व्यस्त आहे. या सिनेमात तिचा सह-कलाकार अक्षय कुमार असणार आहे. कतरिनाचे 'फोन भूत', 'टायगर 3'हे सिनेमे प्रेक्षकांच्या भेटीला येणार आहेत. या सिनेमात कतरिनासोबत आलिया भट्ट आणि प्रियंका चोप्रादेखील दिसून येणार आहेत.