Kartik Aaryan : तब्बल एका वर्षाने कार्तिकने घेतला मिठाईचा आस्वाद; म्हणाला,"मिठाईपेक्षाही 'तू' आहे माझी फेव्हरेट"

Kartik Aaryan : कार्तिक आर्यनचा 'चंदू चॅम्पियन' (Chandu Champion) हा सिनेमा लवकरच प्रेक्षकांच्या भेटीला येणार आहे.

Kartik Aaryan (Photo : kartikaaryan)

Kartik Aaryan : बॉलिवूडचा सुपरस्टार कार्तिक आर्यन (Kartik Aaryan) सध्या 'चंदू चॅम्पियन' (Chandu Champion) या सिनेमामुळे चर्चेत आहे. 'भूल भुलैया 2'नंतर 'चंदू चॅम्पियन' या सिनेमाच्या माध्यमातून प्रेक्षकांचं मनोरंजन करण्यासाठी तो सज्ज आहे. दरम्यान कार्तिकचा एक व्हिडीओ नेटकऱ्यांचं लक्ष वेधून घेत आहे. या व्हिडीओमध्ये तब्बल एका वर्षाने तो मिठाईचा आस्वाद घेताना दिसत आहे.

'चंदू चॅम्पियन' या सिनेमात कार्तिक आर्यन मुख्य भूमिकेत आहे. कबीर खान या सिनेमाच्या दिग्दर्शनाची धुरा सांभाळत आहेत. 'चंदू चॅम्पियन' या सिनेमासाठी कार्तिक खूप मेहनत घेत आहे. अशातच या सिनेमाच्या सेटवरचा एक व्हिडीओ अभिनेत्याने शेअर केला आहे. या व्हिडीओमध्ये तब्बल एका वर्षाने कार्तिक मिठाईचा आस्वाद घेताना दिसत आहे. 

कार्तिकने एका वर्षाने घेतला मिठाईचा आस्वाद

कार्तिकने सोशल मीडियावर एक व्हिडीओ शेअर केला आहे. या व्हिडीओमध्ये 'चंदू चॅम्पियन'चे दिग्दर्शक कबीर खान कार्तिकला रसमलाई खाऊ घालताना दिसत आहे. व्हिडीओ शेअर करत कार्तिकने लिहिलं आहे,"या रसमलाईची चव काही जिंकण्यापेक्षा कमी नाही. गेल्या एक वर्षापासून गोड काही खाल्लं नव्हतं. या सिनेमासाठी मी मेहनत घेतली आहे. गेले आठ महिने दिवस-रात्र मी या सिनेमाचं शूटिंग करत आहे. कोणत्याही मिठाईपेक्षा रसमलाई माझी फेव्हरेट आहे. मला योग्य मार्ग दाखवणाऱ्या व्यक्तीनेच मला रसमलाई खाऊ घातली आहे". 

 

 

 

 

 

View this post on Instagram

 

 

 

 

 

 

 

 

 

 

 

A post shared by KARTIK AARYAN (@kartikaaryan)

'चंदू चॅम्पियन' कधी रिलीज होणार? 

'चंदू चॅम्पियन' हा सिनेमा 14 जून 2024 रोजी सिनेमागृहात प्रदर्शित होणार आहे. आता या सिनेमाचं शूटिंग पूर्ण झालं आहे. कार्तिकच्या आगामी सिनेमाची प्रेक्षकांना आता उत्सुकता आहे. 'सत्य प्रेम की कथा'नंतर (Satya Prem Ki Katha) कार्तिक आता 'चंदू चॅम्पियन'च्या माध्यमातून बॉक्स ऑफिस गाजवायला सज्ज आहे.

कार्तिक आर्यनच्या आगामी सिनेमांबद्दल जाणून घ्या... (Kartik Aaryan Upcoming Movies)

कार्तिक आर्यनचा 'चंदू चॅम्पियन' हा सिनेमा लवकरच प्रेक्षकांच्या भेटीला येणार आहे. या सिनेमासह 'कॅप्टन इंडिया' आणि 'आशिकी 3' हे सिनेमेदेखील लवकरच प्रेक्षकांच्या भेटीला येणार आहेत. कार्तिकचा 'सत्यप्रेम की कथा' हा सिनेमा 29 जून 2023 रोजी सिनेमागृहात प्रदर्शित झाला होता. समीर विद्वांसने या सिनेमाचं दिग्दर्शन केलं असून कार्तिक आणि कियारा या सिनेमात मुख्य भूमिकेत आहेत.