Karan Johar Birthday Special: माय नेम इज खान ते कुछ कुछ होता है; जाणून घ्या करण जोहरच्या IMDb वरील टॉप रेटेड चित्रपटांबद्दल
Karan Johar Birthday Special: करण जोहरचा (Karan Johar) आज 51 वा वाढदिवस आहे. यानिमित्तानं जाणून घेऊयात करणच्या चित्रपटांबद्दल...
Karan Johar Birthday Special: बॉलिवूडमधील प्रसिद्ध दिग्दर्शक आणि चित्रपट निर्माता करण जोहर (Karan Johar) याचा आज 51 वा वाढदिवस आहे. करणनं अनेक हिट चित्रपटांची निर्मिती केली आहे. करण जोहरला पद्मश्री, राष्ट्रीय चित्रपट पुरस्कार आणि सहा फिल्मफेअर पुरस्कारांनी सन्मानित करण्यात आलं आहे. करण हा चित्रपटांबरोबरच त्याच्या वैयक्तिक आयुष्यामुळे देखील चर्चेत असतो. करणनं त्याच्या वैयक्तिक आयुष्याबद्दल 'एन अनसूटेबल बॉय' या पुस्तकामध्ये लिहिलं आहे. करणच्या चित्रपटांबद्दल जाणून घेऊयात...
कुछ कुछ होता है या चित्रपटाद्वारे जोहरने दिग्दर्शन क्षेत्रात पदार्पण केले. या चित्रपटात शाहरुख खान, काजोल आणि राणी मुखर्जी या कलाकारांनी प्रमुख भूमिका साकारली. बॉलिवूडच्या काही क्लासिक चित्रपटांपैकी हा एक चित्रपट आहे. त्यानंतर करणनं कभी खुशी कभी गम, कभी अलविदा ना कहना, माय नेम इज खान, आणि स्टुडंट ऑफ द इयर यांसारख्या अनेक हिट चित्रपटांचे दिग्दर्शन केले. लवकरच करणचा रॉकी और रानी की प्रेम कहानी हा चित्रपट रिलीज होणार आहे. या चित्रपटात रणवीर सिंह आणि आलिया भट्ट प्रमुख भूमिका साकारणार आहेत.
करण जोहरेचे IMDb वरील टॉप रेटेड चित्रपट:
- माय नेम इज खान - 7.9
- कुछ कुछ होता है - 7.5
- कभी खुशी कभी गम - 7.4
- बॉम्बे टॉकीज - 6.6
- लस्ट स्टोरीज - 6.4
- कभी अलविदा ना कहना - 6.0
View this post on Instagram
चित्रपटांबरोबरच करण हा विविध कार्यक्रमांच्या माध्यमातून प्रेक्षकांच्या भेटीस येतो. त्याच्या 'कॉफी विथ करण' या कार्यक्रमामध्ये अनेक सेलिब्रिटी हजेरी लावतात. करण हा 'कॉफी विथ करण' या कार्यक्रमाचे सूत्रसंचालन करतो. लवकरच या कार्यक्रमाचा 8 वा सीझन प्रेक्षकांच्या भेटीस येणार आहे, असं म्हटलं जात आहे.
करीना कपूर खान, अक्षय कुमार, वरुण धवन, सिद्धार्थ मल्होत्रा हे कलाकार 'कॉफी विथ करण' च्या आठव्या सिझनमध्ये हजेरी लावणार आहेत, असंही म्हटलं जात आहे.जून महिन्याच्या शेवटच्या आठवड्यात कॉफी विथ करणचा आठवा सिझन हा ऑनलाइन स्ट्रीम केला जाईल, असं म्हटलं जात आहे.
इतर महत्वाच्या बातम्या:
महत्त्वाच्या बातम्या
