Kangana Ranaut : कंगनाला 'धाकड'मुळे बसला मोठा फटका; 'तेजस' ओटीटी प्लॅटफॉर्मवर होणार रिलीज

Kangana Ranaut : बॉलिवूड अभिनेत्री कंगना रनौतचा 'तेजस' सिनेमा ओटीटी प्लॅटफॉर्मवर प्रदर्शित करण्याचा निर्णय निर्मात्यांनी घेतला आहे.

Kangana Ranaut

Kangana Ranaut : पंगाक्वीन कंगना रनौत (Kangana Ranaut) गेल्या अनेक दिवसांपासून चर्चेत आहे. कंगनाचा 'धाकड' सिनेमा नुकताच सिनेमागृहात प्रदर्शित झाला होता. पण बॉक्स ऑफसवर मात्र हा सिनेमा फ्लॉप ठरला. हा सिनेमा प्रेक्षकांच्या पसंतीस उतरला नव्हता. आता कंगनाचा आगामी 'तेजस' (Tejas) सिनेमा ओटीटी प्लॅटफॉर्मवर प्रदर्शित होणार आहे. 

कंगनाचा 'धाकड' सिनेमा फ्लॉप झाल्याने 'तेजस'च्या निर्मात्यांनी हा सिनेमा ओटीटी प्लॅटफॉर्मवर रिलीज करण्याचा निर्णय घेतला आहे. 'कंगना'चा 'तेजस' सिनेमा  5 ऑक्टोबर 2022 रोजी सिनेमागृहात प्रदर्शित होणार होता. पण ओटीटी प्लॅटफॉर्मवर हा सिनेमा कधी प्रदर्शित होणार हे अद्याप जाहीर करण्यात आलेले नाही. 

'तेजस' सिनेमाचे लेखन आणि दिग्दर्शन सर्वेश मेवाडा यांनी केलं आहे. सर्जिकल स्ट्राईकवर आधारित 'उरी: द सर्जिकल स्ट्राइक' या सिनेमाची निर्मिती केलेल्या 'आरएसवीपी' या निर्मिती संस्थेनेच या सिनेमाचीदेखील निर्मिती केली आहे. 'तेजस' सिनेमाचे शूटिंग अद्याप पूर्ण झालेले नाही. 

कंगनाचा 'धाकड' ठरला सुपरफ्लॉप

बॉलिवूडची पंगाक्वीन कंगना रनौतचा 'धाकड' आणि कार्तिक आर्यनचा 'भूल भुलैया 2' हे दोन्ही सिनेमे बॉक्स ऑफिसवर आमने-सामने आहेत. 'भूल भुलैया 2'ने बॉक्स ऑफिसवर चांगला गल्ला जमवला आहे. पण कंगनाचा 'धाकड' मात्र फ्लॉप ठरला आहे. रिलीजच्या आठव्या दिवशी धाकडने देशभरात फक्त 20 तिकिटे विकली आहेत. 'धाकड' सिनेमा 80 कोटी ते 90 कोटींच्या बजेटमध्ये बनला आहे. पण हा सिनेमा बॉक्स ऑफिसवर मात्र अयशस्वी झाला आहे. 

कंगनाचे आगामी सिनेमे

'धाकड' सिनेमानंतर कंगनाचा 'तेजस' सिनेमा प्रदर्शित होणार आहे. धाकड चित्रपटात कंगना एका गुप्तहेराच्या भूमिकेत होती. कंगना 'द इनकार्नेशन ऑफ सीता' या पौराणिक चित्रपटातदेखील मुख्य भूमिकेत दिसणार आहे. 'टिकू वेड्स शेरू' या सिनेमावरदेखील कंगनाचे काम सुरू आहे. या चित्रपटात नवाजुद्दीन सिद्दीकी आणि अवनीत कौर मुख्य भूमिकेत दिसणार आहेत.

संबंधित बातम्या