Kangana Ranaut And R Madhavan: आठ वर्षानंतर कंगना आणि आर माधवन शेअर करणार स्क्रिन; सायकोलॉजिकल थ्रिलर चित्रपटाच्या शूटिंगला सुरुवात
कंगनानं (Kangana Ranaut) तिच्या आगामी चित्रपटाची घोषणा केली आहे. या चित्रपटात ती आर माधवनसोबत (R Madhavan) स्क्रिन शेअर करणार आहे.
Kangana Ranaut And R Madhavan New Film: अभिनेत्री कंगना रनौतचा (Kangana Ranaut) तेजस हा चित्रपट काही दिवसांपूर्वी प्रदर्शित झाला. हा चित्रपट बॉक्स ऑफिसवर फारशी जादू दाखवू शकला नाही. आता तेजस चित्रपटानंतर कंगनाने तिच्या पुढच्या सायकोलॉजिकल थ्रिलर चित्रपटाच्या शूटिंगला सुरुवात केली आहे. सोशल मीडियावर कंगनानं तिच्या आगामी चित्रपटाची घोषणा केली आहे. या चित्रपटात ती आर माधवनसोबत (R Madhavan) स्क्रिन शेअर करणार आहे.
कंगनानं केली आगामी चित्रपटाची घोषणा
कंगनानं सोशल मीडियावर तिच्या आगामी चित्रपटाची घोषणा केली आहे. नुकतेच कंगनानं एक ट्वीट शेअर केलं. या ट्वीटमध्ये तिनं लिहिलं, "आज चेन्नईमध्ये आम्ही आमच्या नवीन चित्रपटाचे शूटिंग सुरू केले आहे. हा एक सायकॉलॉजिकल थ्रिलर चित्रपट आहे. याची आणखी माहिती आम्ही लवकरच देऊ. सध्या या अतिशय असामान्य आणि रोमांचक स्क्रिप्टसाठी तुमच्या सर्वांच्या पाठिंब्याची आणि आशीर्वादाची गरज आहे."
Today in Chennai we started filming our new film, a psychological thriller.
— Kangana Ranaut (@KanganaTeam) November 18, 2023
Other details coming soon.
For now need all your support and blessings for this very unusual and exciting script 🙏 pic.twitter.com/GERsIYLsR7
कंगनाने इंस्टाग्रामवर चित्रपटाच्या मुहर्ताचे काही फोटो देखील शेअर केला आहेत. या फोटोला तिनं कॅप्शन दिलं, "आजपासून सुरू होणाऱ्या आमच्या नवीन प्रवासासाठी, तुमच्या सर्वांच्या प्रेमाची आणि आशीर्वादाची गरज आहे." कंगनाने दिग्दर्शक एएल विजय यांच्यासोबतचा देखील एक फोटो शेअर केला आहे.
आठ वर्षानंतर आर माधवनसोबत शेअर करणार स्क्रिन
कंगना आणि आर माधवन यांनी 2015 मध्ये रिलीज झालेल्या तनु वेड्स मनु रिटर्न्स या चित्रपटानंतर आता सायकॉलॉजिकल थ्रिलर चित्रपटामधून कंगना आणि आर माधवन हे प्रेक्षकांच्या भेटीला येणार आहेत. अजून कंगनानं तिच्या या आगामी चित्रपटाच्या नावाची माहिती चाहत्यांना दिलेली नाही.कंगना आणि आर माधवन यांनी तनु वेड्स मनु या चित्रपटात देखील एकत्र काम केलं. आता त्यांना पुन्हा एकत्र स्क्रिन शेअर करताना पाहण्यास प्रेक्षक उत्सुक आहेत.
कंगनाचे आगामी चित्रपट
कंगना ही लवकरच 'इमर्जन्सी' (Emergency) या चित्रपटामधून प्रेक्षकांच्या भेटीस येणार आहे. तसेच कंगनाच्या या आगामी सायकॉलॉजिकल थ्रिलर चित्रपटाची देखील प्रेक्षक उत्सुकतेने वाट बघत आहेत.
संबंधित बातम्या:
Virat Kohli: किंग कोहलीचा सचिनला मानाचा मुजरा; व्हिडीओ शेअर करत कंगना म्हणाली..
महत्त्वाच्या बातम्या
