Jug Jugg Jeeyo Box Office : 'जुग जुग जियो'चा विकेंड धमाका; पार केला 100 कोटींचा टप्पा

Jug Jugg Jeeyo 8th Day Collection : 'जुग जुग जिओ' सिनेमाने रिलीजच्या आठव्या दिवशी सिनेमागृहात चांगलाच धुमाकूळ घातला आहे.

Jug Jugg Jeeyo

Jug Jugg Jeeyo Box Office Collection : बॉलिवूड अभिनेता वरुण धवन (Varun Dhawan) आणि कियारा अडवाणीच्या (Kiara Advani) 'जुग जुग जियो'  (Jug Jugg Jeeyo) हा सिनेमा सध्या सिनेमागृहात धुमाकूळ घालत आहेत. रिलीजच्या आठव्या दिवशी या सिनेमाने चांगलाच धमाका केला आहे. जगभरात आतापर्यंत या सिनेमाने 100 कोटींचा टप्पा पार केला आहे.

'जुग जुग जियो' हा सिनेमा प्रेक्षकांच्या पसंतीस उतरण्यात कमी पडला असे म्हटले जात होते. पण विकेंडला हा सिनेमा चांगली कमाई करत आहे. रिलीजच्या दुसऱ्या शनिवारी या सिनेमाने 4.75 कोटींची कमाई केली आहे.  पण हा सिनेमा बॉक्स ऑफिसवर जादू दाखवण्यात कमी पडला आहे. त्यामुळे निर्मात्यांना आर्थिक फटका बसला आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Taran Adarsh (@taranadarsh)

जगभरात पार केला 100 कोटींचा टप्पा

रिलीजच्या दुसऱ्या शनिवारी 'जुग जुग जियो' या सिनेमाने चांगलीच कमाई केली आहे. आतापर्यंत या सिनेमाने जगभरात 100 कोटींचा टप्पा पार केला आहे. 'जुग जुग जियो' या सिनेमाने ओपनिंग डेला 9.28 कोटींची कमाई केली. तर शनिवार आणि रविवारी विकेंडला या सिनेमाने चांगलीच कमाई केली. शनिवारी 12.55 कोटी तर रविवारी या सिनेमाने 15.10 कोटींचा गल्ला जमवला आहे. त्यामुळे या विकेंडलादेखील हा सिनेमा चांगली कमाई करेल असे म्हटले जात आहे. 

कियारा अडवाणी, वरुण धवनचा 'जुग जुग जिओ' हा सिनेमा 24 जूनला प्रेक्षकांच्या भेटीला आला आहे. कौटुंबिक नात्यावर भाष्य करणारा हा सिनेमा विनोदी आहे. या सिनेमाच्या दिग्दर्शनाची धुरा राज मेहता यांनी सांभाळली आहे. या सिनेमात प्रेक्षकांना तगडी स्टारकास्ट पाहायला मिळत आहे. धर्मा प्रोडक्शनच्या बॅनरखाली या सिनेमाची निर्मिती करण्यात आली आहे. कियारा आणि वरुण व्यतिरिक्त या सिनेमात अनिल कपूर, नीतू कपूर, मनीष पॉल, प्रसिद्ध यूट्यूबर प्राजक्ता कोळी दिसत आहेत. 

तगडी स्टारकास्ट असलेला सिनेमा

नीतू कपूर आणि अनिल कपूर 'जुग जुग जिओ' या सिनेमाच्या माध्यमातून पहिल्यांदाच स्क्रीन शेअर करताना दिसत आहेत. सिनेमात असणाऱ्या तगड्या स्टारकास्टमुळे प्रेक्षक या सिनेमाची आतुरतेने वाट पाहत होते. ट्रेलरदेखील प्रेक्षकांच्या पसंतीस उतरला होता. आता सिनेमा प्रेक्षकांच्या भेटीला आला आहे.

संबंधित बातम्या