The New Release On OTT: एप्रिलच्या पहिल्या आठवड्यात मनोरंजनाची मेजवानी; ओटीटीवर रिलीज होणार 'या' सीरिज
The New Release On OTT: वेब सीरिज आणि चित्रपट प्रेक्षक वीकेंडला घरबसल्या ओटीटीवर पाहू शकतात. एप्रिल महिन्याच्या पहिल्या आठवड्यात ओटीटीवर प्रेक्षकांना मनोरंजनाची मेजवानी मिळणार आहे.
The New Release On OTT: ओटीटी प्लेटफॉर्मवरील (OTT Platform) विविध विषयांवर आधारित असणाऱ्या वेब सीरिज (Web Series) आणि चित्रपटांना (Movie) प्रेक्षकांची पसंती मिळते. वेब सीरिज आणि चित्रपट प्रेक्षक वीकेंडला घरबसल्या ओटीटीवर पाहू शकतात. नवीन चित्रपट आणि वेब सीरिज ओटीटीवर रिलीझ होण्याची प्रेक्षक वाट बघत असतात. एप्रिल महिन्याच्या पहिल्या आठवड्यात ओटीटीवर प्रेक्षकांना मनोरंजनाची मेजवानी मिळणार आहे. 'ज्युबिली' ते गुटर गू अनेक सीरिज या आठवड्यात प्रदर्शित होणार आहेत. या सीरिज प्रेक्षक घरबसल्या पाहू शकतात.
'जुबली (Jubilee)'
विक्रमादित्य मोटवणे यांनी ही सीरिज क्रिएट केली आहे. या पीरियड ड्रामा सीरिजची प्रेक्षक खूप बरेच दिवसांपासून वाट पाहत होते. या सीरिजमध्ये अदिती राव हैदरी, प्रोसेनजीत चॅटर्जी आणि बिनोद दास या कलाकारांनी काम केलं आहे. ही सीरिज प्राइम व्हिडीओवर 7 एप्रिल रोजी प्रदर्शित होणार आहे.
View this post on Instagram
'इन रियल लव्ह (In Real Love)'
रणविजय सिन्हा आणि गौहर खान स्टारर यांची इन रियल लव्ह (In Real Love) ही सीरिज एप्रिलच्या पहिल्या आठवड्यात ओटीटीवर रिलीज होणार आहे. या सीरिजमध्ये चार प्रेमकथा अगदी वेगळ्या पद्धतीने दाखवण्यात येणार आहे. प्रेक्षक ही वेब सीरिज 6 एप्रिलपासून नेटफ्लिक्स या ओटीटी प्लॅटफॉर्मवर पाहू शकतात.
View this post on Instagram
'द क्रासओवर (The Crossover)'
द क्रासओवर (The Crossover) ही सीरिज बास्केटबॉल खेळणाऱ्या मुलांवर आधारित आहे. या सीरिजची निर्मिती क्वामे अलेक्झांडर यांनी केली आहे. प्रेक्षक ही सीरिज डिस्ने प्लस हॉटस्टार या ओटीटी प्लॅटफॉर्मवर पाहू शकतात. ही सीरिज 5 एप्रिल रोजी प्रदर्शित होईल.
'गुटर गू (Gutar Gu)'
5 एप्रिल रोजी ही सीरिज OTT प्लॅटफॉर्म Amazon Mini TV वर रिलीज होणार आहे. या सीरिजचा ट्रेलर प्रेक्षकांच्या पसंतीस पडला होता.
View this post on Instagram
महत्त्वाच्या इतर बातम्या :