(Source: ECI/ABP News/ABP Majha)
Indian Police Force New Poster Out: रोहित शेट्टीच्या ‘इंडियन पोलीस फोर्स’ची रिलीज डेट जाहीर; सिद्धार्थ, शिल्पा आणि विवेक यांची वेब सीरिज 'या' ओटीटी प्लॅटफॉर्मवर होणार रिलीज
रोहित शेट्टीने (Rohit Shetty) इंडियन पोलीस फोर्स (Indian Police Force) या वेब सीरिजचे नवे पोस्टर नुकतेच रोहितनं सोशल मीडियावर शेअर करुन या वेब सीरिजच्या रिलीज डेटची घोषणा केली आहे.
Indian Police Force New Poster Out: दिग्दर्शक रोहित शेट्टीचे (Rohit Shetty) चाहते त्याच्या आगामी प्रोजेक्ट्स उत्सुकतेने वाट बघत असतात. त्याची इंडियन पोलीस फोर्स (Indian Police Force) ही वेब सीरिज लवकरच प्रेक्षकांच्या भेटीस येणार आहे. या वेब सीरिजचे नवे पोस्टर नुकतेच रोहितनं सोशल मीडियावर शेअर केले आहे. या पोस्टरमध्ये अभिनेता सिद्धार्थ मल्होत्रा (Sidharth Malhotra), शिल्पा शेट्टी (Shilpa Shetty) आणि विवेक ओबेरॉय (Vivek Oberoi) हे कलाकार दिसत आहेत. हे पोस्टर शेअर करुन रोहितनं इंडियन पोलीस फोर्स या वेब सीरिजची रिलीज डेट जाहीर केली आहे.
कधी रिलीज होणार इंडियन पोलीस फोर्स सीरिज?
रोहित शेट्टीने इंडियन पोलीस फोर्स या सीरिजचं पोस्टर सोशल मीडियावर शेअर करुन या सीरिजच्या रिलीज डेटची घोषणा केली आहे. इंडियन पोलीस फोर्स ही वेब सीरिज 19 जानेवारी 2024 रोजी प्राइम व्हिडीओ (Prime Video) या ओटीटी प्लॅटफॉर्मवर रिलीज होणार आहे.
रोहित शेट्टीने इंडियन पोलीस फोर्स या वेब सीरिजचं पोस्टर सोशल मीडियावर शेअर करुन कॅप्शनमध्ये लिहिलं," तुम्ही आम्हाला प्रेम दिले. सिंघम, सिंघम रिटर्न्स, सिम्बा आणि सूर्यवंशी यांना देखील तुम्ही प्रेम दिले. तुम्ही सिंघम अगेन पाहण्यासाठी थिएटरमध्ये जाल तेव्हा आम्हाला असेच प्रेम द्याल, हे देखील आम्हाला माहित आहे. पण त्याआधी, आम्ही तुमच्यासाठी आमचे डिजिटल कॉप युनिव्हर्स घेऊन येत आहोत!" रोहित शेट्टीने शेअर केलेल्या या पोस्टरवर नेटकऱ्यांनी लाइक्स आणि कमेंट्सचा वर्षाव केला आहे.
View this post on Instagram
इंडियन पोलीस फोर्स या वेब सीरिजची प्रेक्षक उत्सुकतेने वाट बघत आहेत. या वेब सीरिजच्या माध्यमातून सिद्धार्थ मल्होत्रा आणि शिल्पा शेट्टी हे ओटीटीवर पदार्पण करत आहेत. तर विवेक ओबेरॉयचा इंडियन पोलीस फोर्स या वेब सीरिजमधील अभिनय पाहण्यासाठी प्रेक्षक उत्सुक आहेत.
रोहित शेट्टीचा सिंघम अगेन हा चित्रपट देखील प्रेक्षकांच्या भेटीस येणार आहे. या चित्रपटात दीपिका पादुकोण आणि टायगर श्रॉफ हे कलाकार प्रमुख भूमिका साकारणार आहेत.
इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
