IIFA 2023 Winner List : बॉलिवूडकरांसाठी मानाचा असलेला 'आयफा' पुरस्कार (IIFA 2023) सोहळा नुकताच पार पडला असून या पुरस्कार सोहळ्यात आलियाचा बोलबाला पाहायला मिळाला आहे. 'आंतरराष्ट्रीय इंडियन फिल्म अकादमी पुरस्कार' सोहळ्यात (International Indian Film Awards 2023) आलियाच्या 'गंगूबाई काठियावाडी' (Gangubai Kathiawadi) आणि 'ब्रह्मास्त्र' (Brahmastra) या सिनेमांना सर्वाधिक पुरस्कार मिळाले आहेत.
'आयफा 2023'मध्ये 'गंगूबाई काठियावाडी' या सिनेमातील अभिनयासाठी आलियाला (Alia Bhatt) सर्वोत्कृष्ट अभिनेत्रीचा तर 'विक्रम वेधा' (Vikram Vedha) या सिनेमासाठी हृतिक रोशनला (Hrithik Roshan) सर्वोत्कृष्ट अभिनेत्याचा पुरस्कार मिळाला आहे. तर 'दृश्यम 2' (Drishyam 2) हा सर्वोत्कृष्ट सिनेमा ठरला आहे. तर सिनेसृष्टीतील योगदानाबद्दल अभिनेते कमल हासन यांना सन्मानित करण्यात आलं आहे.
'IIFA 2023'च्या विजेत्यांची संपूर्ण यादी जाणून घ्या... (IIFA 2023 Winner List)
- सर्वोत्कृष्ट सिनेमा : दृश्यम 2 (Drishyam 2)
- सर्वोत्कृष्ट दिग्दर्शक : आर माधवन (रॉकेट्री : द नंबी इफेक्ट) (R. Madhavan Rocketry: The Nambi Effect)
- सर्वोत्कृष्ट अभिनेत्री : आलिया भट्ट (Alia Bhatt) (गंगूबाई काठियावाडी)
- सर्वोत्कृष्ट अभिनेता : हृतिक रोशन (Hrithik Roshan) (विक्रम वेधा Vikram Vedha)
- सर्वोत्कृष्ट सहाय्यक अभिनेत्री : मौनी रॉय (ब्रह्मास्त्र)
- सर्वोत्कृष्ट सहाय्यक अभिनेता : अनिल कपूर (जुग जुग जिओ)
- सर्वोत्कृष्ट कथानक : डार्लिंग्स (परवेज शेख आणि अभिषेक पाठक)
- सर्वोत्कृष्ट पदार्पण स्त्री : खुशाली कुमार (धोखा अराउंड द कॉर्नर)
- सर्वोत्कृष्ट पदार्पण पुरुष : शांतनु माहेश्वरी (गंगूबाई काठियावाडी)
- सर्वोत्कृष्ट प्रादेशिक चित्रपट : वेड
- सर्वोत्कृष्ट पार्श्वगायक : श्रेया घोषाल (ब्रह्मास्त्र)
- सर्वोत्कृष्ट पार्श्वगायिका : अरिजीत सिंह (ब्रह्मास्त्र)
- सर्वोत्कृष्ट गीतकार : अमिताभ भट्टाचार्य (ब्रह्मास्त्र - केसरिया)
- सर्वोत्कष्ट पटकथा : गंगूबाई काठियावाडी
- सर्वोत्कृष्ट संवाद : गंगूबाई काठियावाडी
- सर्वोत्कष्ट एडिटिंग : दृश्यम 2
'आयफा 2023' पुरस्कार सोहळा हा हिंदी सिनेसृष्टीतील सर्वात मोठा पुरस्कार सोहळा आहे. नुकताच अबू धाबीतील एका बेटावर हा पुरस्कार सोहळा पार पडला. बॉलिवूड अभिनेता अभिषेक बच्चन (Abhishek Bachchan) आणि विकी कौशलने (Vicky Kaushal) होस्ट केला होता. बॉलिवूडकरांसोबत सिनेप्रेमींमध्ये 'आयफा 2023' पुरस्कार सोहळ्याची चांगलीच क्रेझ पाहायला मिळाली. 'आयफा 2023'मधील सेलिब्रिटींचे फोटो आणि व्हिडीओ सोशल मीडियावर व्हायरल होत आहेत.
संबंधित बातम्या