TOP 5 Entertainment News : दिवसभरातील पाच महत्त्वाच्या मनोरंजनविषयक बातम्या
Entertainment News : दिवसभरातील पाच महत्त्वाच्या मनोरंजनविषयक बातम्यांचा घेतलेला आढावा.
TOP 5 Entertainment News : दिवसभरातील पाच महत्त्वाच्या मनोरंजनविषयक बातम्या -
'ब्रह्मास्त्र' मधील आलियाचा फर्स्ट लूक रिलीज
'ब्रह्मास्त्र' चित्रपटातील आलिया भट्टचा फर्स्ट लूक रिलीज करण्यात आला आहे. ब्रह्मास्त्र चित्रपटाचा दिग्दर्शक अयान मुखर्जीनं एक व्हिडीओ शेअर करून या चित्रपटातील आलियाचा लूक रिलीज केला आहे. हा व्हिडीओ शेअर करून कॅप्शनमध्ये लिहिले, 'हॅप्पी बर्थ डे आलिया. तुझ्या वाढदिवसानिमित्त ही खास गोष्ट शेअर करत आहे.
पंतप्रधान नरेंद्र मोदींकडून ‘द काश्मीर फाईल्स’चे कौतुक!
द कश्मीर फाईल्स या चित्रपटाला प्रेक्षकांचे भरभरून प्रेम मिळत आहे. विवेक अग्निहोत्री दिग्दर्शित या चित्रपटाचे सर्वजण कौतुक करत आहेत. पंतप्रधान नरेंद्र मोदींनी नुकतीच चित्रपटाच्या टीमचीही भेट घेतली होती. आता, मंगळवारी झालेल्या भाजप संसदीय दलाच्या बैठकीत पंतप्रधान मोदींनी ‘द काश्मीर फाईल्स’ या चित्रपटावरही चर्चा केली आहे. यावेळी पंतप्रधान मोदी म्हणाले की, ‘चित्रपटात जे दाखवलंय, ते सत्य नेहमीच दाबण्याचा प्रयत्न करण्यात आला आहे.’
शाहरुख खान लाँच करणार नवा ओटीटी प्लॅटफॉर्म
बॉलिवूड सुपरस्टार शाहरुख खान OTT वर कधी एण्ट्री करणार याची चाहते आतुरतेने वाट बघत होते. शाहरुख खानने वर्षभरापूर्वी त्याच्या OTT पदार्पणाचा एक टीझर व्हिडीओ देखील शेअर केला होता. परंतु, आता किंग खान याची अधिकृत घोषणा करणार आहे. मंगळवारी (15 मार्च) शाहरुख खानने सोशल मीडियावर स्वत:चा एक फोटो शेअर केला, ज्यामध्ये तो ‘थम्प्स अप’ करताना दिसत आहे आणि या पोस्टरवर लिहिले आहे, ‘SRK +’.
द कश्मीर फाइल्स' 'या' ओटीटी प्लॅटफॉर्मवर होणार प्रदर्शित
द कश्मीर फाइल्स हा चित्रपट झी- 5 या ओटीटी प्लॅटफोर्मवर रिलीज होणार आहे. जवळपास एक महिन्यानंतर हा चित्रपट ओटीटीवर प्रदर्शित होईल. चित्रपटातील कलाकारांच्या अभिनयाला आणि कथानकला प्रेक्षकांची पसंती मिळत आहे. अक्षय कुमार, कंगना रनौत, परिणीती चोप्रा, आर माधवन आणि परेश रावल अशा अनेक कलाकारांनी या चित्रपटाचे कौतुक केले आहे.
'मी वसंतराव'चा ट्रेलर प्रदर्शित
'मी वसंतराव' या सिनेमाची घोषणा झाल्यापासून प्रेक्षक या सिनेमाची प्रतीक्षा करत आहेत. हा सिनेमा ज्येष्ठ शास्त्रीय गायक वसंतराव देशपांडे यांच्या जीवनावर आधारीत आहे. या सिनेमाचे दिग्दर्शन निपुन धर्माधिकारीने केले आहे. या सिनेमाचा ट्रेलर प्रदर्शित झाल्याने प्रेक्षक आता सिनेमाची आतुरतेने वाट पाहत आहेत.
संबंधित बातम्या
Bollywood Films : मोंदीच्या काळात विरोधी पक्षांवर टीका करणारे 'हे' सिनेमे झाले प्रदर्शित
Viju Mane : कुठे चाललो आहोत आपण? विजू मानेंनी सिनेप्रेक्षकांवर साधला निशाणा
Holi 2022 Song: होळीच्या माहोलाची रंगत वाढवतील ‘ही’ धमाल गाणी, आजच प्लेलिस्ट तयार करून ठेवा!
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
महत्त्वाच्या बातम्या
