Radhe Shyam First Look | प्रभासचा रोमॅण्टिक अंदाज, नव्या चित्रपटाचा फर्स्ट लूक समोर
सुपरस्टार प्रभासच्या नव्या चित्रपटाचा फर्स्ट लूक रिलीज झाला आहे. 'राधे श्याम' असं या चित्रपटाचं नाव आहे. ट्विटरवर #Prabhas20 तसंच #PoojaHegde हे हॅशटॅग ट्रेण्डिंगमध्ये आहेत. विशेष गोष्ट अशी की बाहुबली चित्रपट प्रदर्शित होऊन आज पाच वर्षे झाली आहे.
मुंबई : सुपरस्टार प्रभासच्या नव्या चित्रपटाचा फर्स्ट लूक आज (10 जुलै) रिलीज झाला आहे. 'राधे श्याम' असं या चित्रपटाचं नाव असून चाहते याची प्रतीक्षा करत होते. या चित्रपटात प्रभाससोबत अभिनेत्री पूजा हेगडे प्रमुख भूमिकेत आहे. राधे श्याम'चा लूक रिलीज होताच सोशल मीडियावरही याचीच चर्चा सुरु आहे. ट्विटरवर #Prabhas20 तसंच #PoojaHegde हे हॅशटॅग ट्रेण्डिंगमध्ये आहेत.
प्रभासने काही दिवसांपूर्वीच इन्स्टाग्रामवर पोस्ट करुन 10 जुलै रोजी प्रभास20 चं पोस्टर रिलीज करणार असल्याची माहिती दिली होती. यानंतर आज या सिनेमाचं नाव आणि पोस्टर समोर आलं आहे. 2020 मधील प्रभासच्या पहिल्या चित्रपटाचं नाव 'राधे श्याम' आहे. विशेष गोष्ट अशी की बाहुबली चित्रपट प्रदर्शित होऊन आज पाच वर्षे झाली आहे.
प्रभासने त्याच्या अधिकृत इन्स्टाग्राम अकाऊंटवर हे पोस्टर शेअर करताना लिहिलं आहे की, "माझ्या चाहत्यांना हे तुमच्यासाठी... तुम्हाला आवडेल अशी अपेक्षा आहे." सिनेमाच्या पोस्टरमध्ये प्रभाससोबत पूजा हेगडे दिसत असून दोघेही रोमॅण्टिक अंदाजात दिसत आहे.
राधे श्याम हा रोमॅण्टिक ड्रामा असेल. या चित्रपटाचे सहनिर्माते भूषण कुमार यांनी हे पोस्टर शेअर करताना लिहिलं आहे की, जब तर रहेंगे सूरज चांद, याद रहेंगे ये राधा श्याम.
महत्त्वाच्या बातम्या
