Fardeen Khan Corona Positive : फरदीन खानला कोरोनाची लागण, ट्वीट करत दिली माहिती

Fardeen Khan Corona Positive : अभिनेता फरदीन खानला कोरोनाची लागण झाली आहे.

फरदीन_खान

Fardeen Khan Corona Positive : देशभरात कोरोनाचा प्रादुर्भाव झपाट्याने वाढत आहे. कोरोनाचा नवीन व्हेरियंट ओमायक्रॉनबाधितांमध्येही वाढ होत आहे. गेल्या काही दिवसांत बॉलिवूड मनोरंजन सृष्टीतील अनेक सेलिब्रिटींना कोरोनाची लागण झाली आहे. आता अभिनेता फरदीन खानला कोरोनाची लागण झाली आहे. फरदीनने ट्वीट करत यासंदर्भात माहिती दिली आहे. 

फरदीन खानने ट्विटरवर पोस्ट शेअर करत लिहिले,"माझी कोरोना चाचणी पॉझिटिव्ह आली आहे. सुदैवाने मला कोणतीही लक्षणे नाहीत. तुम्हालादेखील जर कोरोना झाल्याची शंका येत असेल तर तुम्हीदेखील कोरोना चाचणी करून घ्या".

Tested positive for C-19. Fortunately I am asymptomatic. Sending my best to all those in recovery. The rest, keep getting tested if in doubt as this variant is also targeting children, down to toddlers, and they can be given very limited medication. Happy isolating. 🙏🙏

— Fardeen Feroz Khan (@FardeenFKhan) January 19, 2022

फरदीन खानने 1998 मध्ये 'प्रेम अंगण' या चित्रपटाद्वारे बॉलिवूडमध्ये पदार्पण केले होते. या चित्रपटातील अभिनयासाठी त्यांला फिल्मफेअरचा सर्वोत्कृष्ट पदार्पण पुरस्कारदेखील मिळाला होता.  त्यानंतर त्यांने अनेक चित्रपटांमध्ये काम केले परंतु बहुतेक चित्रपट फ्लॉप ठरले. 2010 मध्ये आलेल्या 'दुल्हा मिल गया' या चित्रपटात तो शेवटचा पडद्यावर दिसला होता. 

'या' सेलिब्रिटींनाही झाली होती कोरोनाची लागण
मुंबईतील बहुतांश सेलिब्रिटींना कोरोनाची लागण झाली आहे. मिथिला पालकर, विशाल ददलानी, लता मंगेशकर, खुशी कपूर, तन्मय वेकारिया, स्वरा भास्कर, कुब्रा सैत यांच्याशिवाय अनेक सेलिब्रिटींना कोरोनाची लागण झाली होती. 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha