‘ट्रॅजेडी किंग’ दिलीप कुमार अद्याप आयसीयूतच, मात्र प्रकृतीत सुधारणा

ज्येष्ठ अभिनेते दिलीप कुमार यांच्या प्रकृतीत सुधारणा होत असून, ते उपचारांना चांगला प्रतिसाद देत आहेत.

मुंबई : ज्येष्ठ अभिनेते दिलीप कुमार यांच्या प्रकृतीत सुधारणा होत असून, ते उपचारांना चांगला प्रतिसाद देत आहेत. मात्र, त्यांना अद्याप आयसीयूतच ठेवण्यात आले आहे, असे लीलावती रुग्णालयाकडून माहिती देण्यात आली आहे. दिलीप कुमार यांना अजून एक-दोन दिवस किंवा त्याहून अधिक दिवस आयसीयूत ठेवले जाईल, असेही डॉक्टरांनी सांगितले. लीलावती रुग्णालयातील डॉक्टरांच्या देखरेखीखाली दिलीप कुमार यांच्यावर उपचार सुरु आहेत. त्यामुळे काळजी करण्याचं कारण नाही, असेही रुग्णालयाकडून सांगण्यात आले आहे. डिहायड्रेशनच्या तक्रारीनंतर त्यांना रुग्णालयात दाखल करण्यात आलं होतं. मात्र मूत्रपिंड निकामी झाल्यामुळे त्यांना आयसीयूमध्ये ठेवण्यात आलं आहे.