Dharmendra Marriage : धर्मेंद्र तिसऱ्यांदा अडकले विवाह बंधनात? वरमालासह पत्नीचा फोटो आला समोर
Dharmendra Hema Malini Marriage : ड्रिमगर्ल हेमा मालिनी यांच्यासोबत धर्मेंद्र यांना दुसरा विवाह केला होता. आज त्यांनी तिसऱ्यांदा लग्नगाठ बांधली का अशी चर्चा सुरू झाली आहे.
Dharmendra Hema Malini Marriage : मागील काही वर्षांपासून हेमा मालिनी (Hema Malini) राजकारणात चांगल्याच सक्रिय आहेत. सध्या त्या मथुरा लोकसभा मतदारसंघातून भाजपच्या तिकिटावर दुसऱ्यांदा खासदार होण्यासाठी लोकांकडे मते मागत आहेत. याच दरम्यान आता धर्मेंद्र (Dharmendra) यांचा एक फोटो व्हायरल होत आहे. बॉलिवूडचे 'हिमॅन' असलेले धर्मेंद्र यांनी तिसऱ्यांदा विवाह केला की काय असा प्रश्न नेटिझन्सना पडला. ड्रिमगर्ल हेमा मालिनी यांच्यासोबत धर्मेंद्र यांना दुसरा विवाह केला होता. आज त्यांनी तिसऱ्यांदा लग्नगाठ बांधली का असा प्रश्न नेटिझन्सला पडला आहे.
आज हेमा मालिनी आणि धर्मेंद्र यांच्या लग्नाला 44 वर्षे पूर्ण झाली आहेत. या खास प्रसंगी, अभिनेत्री हेमा मालिनीने धर्मेंद्र यांच्यासोबत पुन्हा एकदा विवाह केला. हेमा मालिनी यांनी इंस्टाग्रामवर धर्मेंद्रसोबतचा एक सुंदर फोटो शेअर केला आहे. यामध्ये हे जोडपं खूपच सुंदर दिसत आहे.
हेमा मालिनी यांनी शेअर केला वाढदिवसाचा फोटो
View this post on Instagram
हेमा मालिनी यांनी आपल्या इन्स्टाग्राम अकाऊंटवरून फोटो शेअर केला आहे. या शेअर केलेल्या फोटोमध्ये हेमा आणि धर्मेंद्र त्यांच्या घरात बसलेले दिसत आहेत. हेमा आणि धर्मेंद्र एकत्र खूप आनंदी दिसत आहेत. या खास प्रसंगी हेमा मालिनी यांनी व्हाईट आणि रेड कलरची साडी नेसली होती. त्याशिवाय हेमा मालिनी यांनी नेकलेसही घातला आहे. कपाळावर सिंदूर आणि टिकली आहे. तर धर्मेंद्र साध्या पीच रंगाच्या शर्टमध्ये दिसत आहेत.
व्हिडीओ शेअर करून व्यक्त केले प्रेम...
हेमा मालिनी यांनी आपल्या पोस्टमध्ये म्हटले की, 'आमच्या लग्नाच्या वाढदिवसाचे फोटो'. याआधी हेमा मालिनी यांनी आपल्या सोशल मीडिया अकाउंटवरून एक व्हिडीओ शेअर केला. त्यामध्ये धर्मेंद्र यांच्यासोबतचे काही जुने फोटो आहेत. हेमा मालिनी यांनी म्हटले की, आज आमच्या लग्नाचा 44 वा वाढदिवस आहे. आजवरच्या या वैवाहिक प्रवासात आमच्याकडे दोन सुंदर मुली आणि नातू आहेत. आम्ही प्रेमाच्या जगात हरवले गेले आहोत. आमच्या चाहत्यांचे आमच्यावर प्रेम कायम आहे. आयुष्यात आणखी काय मागावे? या सुंदर भेटीसाठी देवाचे आभार... असे हेमा मालिनी यांनी म्हटले.
View this post on Instagram
धर्मेंद्र-हेमा यांची लव्ह स्टोरी...
हेमा मालिनी यांच्यासोबत लग्नगाठ बांधण्याआधी धर्मेंद्र यांचा विवाह प्रकाश कौरसोबत झाला होता. पण धर्मेंद्र हे हेमा मालिनी यांच्या प्रेमात पडले. शूटिंगदरम्यान हेमा आणि धर्मेंद्र गुप्तपणे भेटत असत. हेमाच्या वडिलांना तिने धर्मेंद्रसोबत लग्न करावे असे वाटत नव्हते. पण धर्मेंद्र आपल्या निर्णयावर ठाम होते आणि त्यांनी 2 मे 1980 रोजी हेमासोबत सात लग्न केले.
महत्त्वाच्या बातम्या
ट्रेंडिंग न्यूज
