Bigg Boss 14 | 'बिग बॉस 14’मध्ये सहभागी होणार राधे माँ?
लवकरचं ‘बिग बॉस 14’ प्रेक्षकांच्या भेटीला येणार आहे. शोमध्ये कोणते कोणते कलाकार सहभागी होणार याची सर्वांना उत्सुकता लागली आहे.
मुंबई : बिग बॉसच्या 14 व्या सीझनची तयारी आता अंतिम टप्प्यात आली आहे. त्यामुळे लवकरचं ‘बिग बॉस 14’ प्रेक्षकांच्या भेटीला येणार आहे. शोमध्ये कोणते कोणते कलाकार सहभागी होणार याची सर्वांना उत्सुकता लागली आहे. या वर्षी बिग बॉसच्या घरात 14 कलाकार आणि 3 सामान्य व्यक्ती सहभागी होणार आहे. पण अद्याप याची अधिकृत माहिती समोर आलेली नाही. परंतु सूत्रांच्या माहितीनुसार शोमध्ये राधे माँ सहभागी होणार आहेत.
बिग बॉस 13 म्हणजे मागील सीझनसाठी देखील राधे माँ यांना विचारले होते. पण काही कारणांमुळे त्यांनी नकार दिला होता. सुखविंदर कौर ज्या राधे माँ म्हणून लोकप्रिय आहे. त्या येत्या सीझनमध्ये दिसणार असल्याच्या चर्चा रंगल्या आहेत. याविषयी बिग बॉसकडून अद्याप कोणतीही अधिकृत घोषणा करण्यात आलेली नाही.
सप्टेंबरपासून या शोला सुरूवात होणार होती. पण अद्याप फिल्मसिटीमध्ये याचं घर बांधणं चालू आहे. आधीच आलेला लॉकडाऊन आणि त्यानंतर आलेला पाऊस यामुळे या घर बांधणीत अडचण होते आहे. पण ऑक्टोबरपासून या शोला सुरूवात होईल असं बोललं जातं.
सलमान खानने बिग बॉसच्या 14 व्या सीझनची जबाबदारी घेतली आहे. सलमानने जबाबदारी घ्यावी म्हणून अनेक दिवस प्रयत्न चालू होते. अखेर सलमानने त्याला होकार दिला आहे पण तब्बल 250 कोटी रुपये मानधन घेऊन. बिग बॉससाठी सलमान आठवड्यातून एकदा शूट करतो. या एका दिवशी फक्त दोन एपिसोड शूट होतात. असे 12 आठवडे सलमान शूट करणार आहे. या 12 आठवड्यांसाठी सलमानला 250 कोटी रूपये देण्यात येणार आहेत. म्हणजे आठवड्याला 20 कोटी 50 लाख रूपये. म्हणजे एका एपिसोडचे 10 कोटी 25 लाख रुपये इतकं हे मानधन होतं.
संबंधित बातम्या :
महत्त्वाच्या बातम्या
