Chhatrapati Sambhaji : 'छत्रपती संभाजी' सिनेमाच्या प्रदर्शनाचा मार्ग मोकळा; 'या' दिवशी येणार प्रेक्षकांच्या भेटीला

Chhatrapati Sambhaji : 'छत्रपती संभाजी' सिनेमाच्या प्रदर्शनाचा मार्ग मोकळा झाला आहे. लवकरच हा सिनेमा प्रदर्शित होणार आहे.

Chhatrapati Sambhaji Movie

Chhatrapati Sambhaji Movie Release Date : 'छत्रपती संभाजी' (Chhatrapati Sambhaji) हा सिनेमा गेल्या काही दिवसांपासून चर्चेत आहे. लवकरच हा सिनेमा प्रदर्शित होणार आहे. छत्रपती संभाजी महाराजांच्या आयुष्यावर आधारित हा सिनेमा आहे. छत्रपती संभाजी महाराजांच्या प्रदर्शनावर आधारित छत्रपती संभाजी सिनेमा रखडला होता. पण आता या सिनेमाच्या प्रदर्शनाचा मार्ग मोकळा झाला आहे.

स्वराज्याच्या रक्षणासाठी चंदनापरी देह झिजवणारे धर्मवीर छत्रपती संभाजी महाराज हे रणांगणावरचे अस्सल शेर होते. ज्यास कवेत घेताना, खुद्द मृत्यू ही ओशाळला. स्वराज्याची धुरा खंबीरपणे आपल्या हातात घेऊन प्रचंड पराक्रम गाजवणारे,छत्रपती संभाजी महाराज म्हणजे एक अद्भुत व्यक्तिमत्व. 

'छत्रपती संभाजी' कधी होणार रिलीज? (Chhatrapati Sambhaji Release Date)

धैर्याने आणि असामान्य शौर्याने लढा देणाऱ्या  या महान योद्धयाचा  इतिहास  मराठी रुपेरी पडद्यावर  उलगडणार आहे. राकेश सुबेसिंह  दुलगज निर्मित आणि दिग्दर्शित  'छत्रपती  संभाजी' हा मराठी सिनेमा येत्या 26 जानेवारी 2024 रोजी प्रेक्षकांच्या भेटीला येणार आहे.

'छत्रपती संभाजी' मराठी रुपेरी पडद्यावर

छत्रपती संभाजी महाराजांच्या समाधीस्थळी म्हणजे  बलिदान भूमी वडू बुद्रुक, पुणे येथे  या चित्रपटाच्या पोस्टरचे अनावरण करण्यात आले. ‘परफेक्ट प्लस एंटरटेनमेंट’ आणि ‘एजे मीडिया कॉर्प’ प्रस्तुत 'छत्रपती संभाजी' हा  चित्रपट मराठी, हिंदी, तमिळ, तेलगू आणि इंग्रजी मध्ये एकाच वेळी प्रदर्शित होत आहे.   

छत्रपती संभाजी महाराजांच्या समाधीस्थळी म्हणजे बलिदान भूमी वडू बुद्रुक, पुणे येथे या चित्रपटाच्या पोस्टरचे अनावरण करण्यात आले. pic.twitter.com/voak6njH4S

— devendra jadhav (@devendr50306300) January 12, 2024

छत्रपती संभाजी महाराजांनी सलग नऊ वर्षे मुघल, आदिलशहा, सिद्धी, पोर्तुगीज, इंग्रज, आणि इतर अंतर्गत शत्रूंशी लढा देत, स्वराज्याला टिकवले आणि वाढविले. दुर्दम्य इच्छाशक्ती आणि अजोड पराक्रमाच्या जोरावर छत्रपती शिवाजी महाराजांनंतर छत्रपती संभाजी महाराजांनी आपल्या पराक्रमाच्या जोरावर त्या साम्राज्याचा विस्तार केला. 

हिंदवी स्वराज्य निर्माण करणं हे सहज शक्य नव्हतं, पण त्याहून कठीण होतं ते निर्माण केलेलं स्वराज्य टिकवणं, वाढवणं. छत्रपती संभाजी महाराजांनी हे आव्हान स्वीकारलं आणि सक्षमपणे पेललं सुद्धा. अद्वितीय राजकरण, आक्रमक रणनीती आणि रणकौशल्याच्या जोरावर छत्रपती संभाजी महाराजांनी निर्माण केलेला  प्रेरणादायी इतिहास  'छत्रपती  संभाजी' या चित्रपटातून  तरुण पिढीला पाहता येणार आहे.

'हे' कलाकार मुख्य भूमिकेत

प्रमोद पवार, शशांक उदापूरकर,रजित कपूर, दिलीप ताहिल, मृणाल कुलकर्णी, मोहन जोशी, भरत दाभोळकर, लोकेश गुप्ते, बाळ  धुरी, दिपक शिर्के,अमित देशमुख , कै. आनंद अभ्यंकर,समीर,मोहिनी पोतदार, प्रिया गमरे आदी कलाकार  'छत्रपती संभाजी'  चित्रपटात आहेत.       

'छत्रपती संभाजी' चित्रपटाची सहनिर्मिती एफआयएफ निर्मिती संस्थेची आहे. कथा  सुरेश चिखले यांची आहे. अविनाश विश्वजित, गुरु शर्मा आणि आरव यांचे संगीत चित्रपटाला लाभले असून पार्श्वसंगीत अमर-अमित देसाई यांनी दिले आहे.

संबंधित बातम्या